و أه من الليل و أوجاعه

قطه فــ قلب الليل تصرخ من العتمه  

لا ليها سكن تبات في  
وصرخها يزيد فــ كل لحظه  

صرخت أنا على صوتها إمشى بعيد 

الشارع ده مش حمل صراخ  جديد  

ردت بنظره مذعوره  

و كأنها عاشقه ومقتوله  

ومهجوره  
ومسلوبه من النظره  

بَصرخ على لقمه عيش  
و من برد بتترعش منه الجته

إحنا بقى بنصرخ على وطن 

تاهت المعانى فى و بقينا لعبه  

بيجدد أيامه

بيجدد أيامه 

بيموت أحزانه 

بيصحى أشواقه 

حب جديد على حب قديم 

على إتنين تلاته عشرة فــ حياته 

حاله غريب 

مفيش جديد 

نفس الحدوته وبتتعاد 

كل يومين تلاقيه بحالات 

مرة مخاصم 

مرة مفارق 

وليالى فـ الحب بيبات 

ظالم حاله 

وظالم الناس 

إبسط نفسك 

إبسط غيرك 

وإوعى تعيش اوى اوى فالدور 

إوعى تصدق انك عاشق 

إوعى تشوف حالك مغرور 

الحب حكايه حلوة 

إحكيها و عشها مره 

وبتطل تلعب نفس الدور

خدت قرارى

خلاص خدت قرارى

مش هأعلن إنكسارى

لو فاكر إنى فى بعدك

هأحس بإنهيارى 

أو إنى نفسى أبكى

وعلى دموعى بأدارى 

ولـ ده وده راح أشكى

من لوعتى ومرارى

لأ فوق م الل فى خيالك

واللى بوهمك رسمته 

كلمة واحدة هأقولهالك 

حبك خلاص فات وقته

و إنت اللى بعندك وغرورك 

من بين إيديك ضيعته 

دلوقتى هأبعد وأسيبك 

وهو ده إختيارى

همست للعشق

همست للعشق فـ جنته -

تعبت من شوفك بيوت على رمل البحور  

بنحلم نرقص على همس الكمان 

أنا قصه عذبه فأرض بور  

إبدر الحب فــ السكك  

يجرى الجميع على جنتك  

لا تكون حلم طيف ولا عود بخور

رساله الله فى الاسراء والمعراج

 

الليله هى ليله الإسراء والمعراج وليله الجمعه وهى اخر جمعه فـــ شهر رجب اليوم ستقابل ملك الملوك وستقول ربى سيجيب لبيك عبدى وكن واثقاً فإن الله لا يجرب كن واثقا إن ما تطلبه ستناله لاتنسوا أصحابكم والأقرباء من الدعاء وبعد إذنكم تذكرونى بالدعاء أن الله تعالى وهب عبداً من عباده القدرة على نقل عرش ملكة سبأ من جنوب اليمن إلى أرض فلسطين في غمضة عين: ( يا أيها الملأ أيكم يأتيني بعرشها قبل أن يأتوني مسلمين ) قال عفريت من الجن أنا آتيك به قبل أن تقوم من مقامك وإني عليه لقوي أمين قال الذي عنده علم من الكتاب أنا آتيك به قبل أن يرتد إليك طرفك فلما رآه مستقرا عنده قال هذا من فضل ربي ليبلوني أأشكر أم أكفر (النمل:38-40). إذا كانت هذه قدرة عبد فكيف بخالقه وإذا كانت هذه إمكانية موهوب فكيف بالواهب سبحانه ؟ ترفرف فى القلب روح المحبه صلاتنا وسلامنا إليك يا رسول الله نور من الإيمان يسرى ف الوريد عندما نتذكر معجزه الله مع الحبيب تخشع القلوب لسماع أيات تطهر النفس إن المؤمن الجاد في إيمانه لا ينكر أبدا إمكانية الإسراء وهو مؤمن بقدرة الله القادر المقتدر يقول رب العزة سبحانه: (سبحان الذي أسرى بعبده ليلا من المسجد الحرام إلى المسجد الأقصى الذي باركنا حوله لنريه من آياتنا إنه هو السميع البصير ) (الإسراء:1) نقرأ في كتاب الله عز وجل أن القادر على كل شئ أنزل عبدين من عباده من السماء إلى الأرض ورفع عبدا من عبيده من الأرض إلى السماء أنزل آدم وزوجه: قلنا اهبطوا منها جميعا ) (البقرة:38). ورفع عيسى عليه السلام: (إذ قال الله يا عيسى إني متوفيك ورافعك إلي ) (آل عمران:55). فكيف نستكثر على رسول الله عليه الصلاة والسلام أن يعرج به مولاه ؟ الإسراء: هي رحلة أرضية تمت بقدرة الله عز وجل لرسول الله عليه الصلاة والسلام من مكة إلى بيت المقدس. أما المعراج: هي رحلة سماوية تمت بقدرة الله عز وجل لرسول الله عليه الصلاة والسلام من بيت المقدس إلى السماوات العلا ثم إلى سدرة المنتهى ثم اللقاء بجبار السماوات والأرض سبحانه. أن الإسراء و المعراج كان بالجسد والروح شاء الله الذي لا راد لمشيئته سبحانه الذي لا يعجزه شيء أن يمن على حبيبه المصطفى عليه الصلاة والسلام برحلة مباركة طيبة هي الإسراء والمعراج إن الله تعالى يؤكّدها في سورة النجم، وبأسلوب مثير، صدق محمد صلى الله عليه وسلم ، ويدل على أنها حقيقة واقعة قد تمت بالروح والجسد معاً، قطعاً لكل شك، ووأداً لكلّ فتنة. ويُقسم سبحانه بالنجم حين يهوي فيقول: (والنَّجمِ إذا هوى ما ضلَّ صاحبُكم وما غوى* وما ينْطِق عن الهوى) أن هذه الرحله المباركه أتت لتربط بين شرائع التوحيد الكبرى من لدن إبراهيم وإسماعيل إلى محمد خاتم النبيين صلى الله عليهم وسلم ، وتربط بين الأماكن المقدسة برسالات التوحيد جميعاً، وتربط أيضا بمنزله المسجد الأقصى فى كيان هذه الأمه فهو مهجر الأنبياء ومسرى سيدنا محمد صلى الله عليه وسلم وفيه دلاله للمسلمين فى الحفاظ على هذه الأرض المباركه. شرعت فيها أهميه الصلاه وفرضها وشرعت فى السماء لتكون معراجاً يرقى بالناس من الشهوات الدنيا وأغراض النفوس وهناك عبره فى هذه الليله لمن يعتبر إنها ترويح للقلوب عند المحن فأتت عند وفاه أبى طالب وخديجه رضى الله عنهما والأسى البالغ الذى عانه الرسول الكريم لنتعلم حكمه الله إذا كان أعرض عنك أهل الدنيا فقد أقبل عليك أهل السماء ,و إن كان الناس يصدون فإن الله يرحب . كل عام والأمه الإسلاميه بخير وعزه ونصر من الله قريب بإذن الله تعالى

إفتكر

لوهزمتك الأحزان

 لو كسرتك الأيام

 إفتكرقلب خاف عليك

 إفتكرذكرى حلوه بين الجروح 

 تخفف الألم وتداوى الروح 

 إفتكرقلب محسش غير بيك  

ومسح دمعه من بين عنيك 

 إفتكر

عيش الحب بكل معانيه

كتير مننا بيدورعلى الحب و فاكرين إن الحب هو 

عاطفه تجمع بين قلب إمرأه وقلب رجل ولكن فكرنا من قبل أن :

- دقيقة واحدة بنعيشها والقلب صافي لكل الناس دقيقة تتوزن بالذهب 

 فالحب لا تضيق رحابه ولا تغلق أبوابه ولا يستنكر أصحابه

- كيف نعشق .؟ 

عندما تخرج كلمة حلوة صادقه من لسان محب وتستقر في قلب محب 

 تعيش الحب بكل معانيه الدافئة وبحوره الواسعة في ذاكرة العاطفة

-  أفضل من كل البشر: إنسان تشعر معه بالصدق  

وتطير معه في رحاب المودة 

- لحظة تٌحى الروح  

عندما تنبض بالخير لكل من حولنا  

تشفي من كل أمراض القلق والحسد والوحدة  

فالقلوب أطهر من أن تلوث بالكُره والبٌغض والضغينة

- جمال الحب  

حين لا يدفن فى مقبرة اللوم والعتاب وسوء الظن 

- الحب لم يكن يوماً  

حلم من أحلام  الحالمين أو أهه من أهات العاشقين  

فمن عاشه هكذا فإنه لامس القشور

 لم يبحر يوماً فى بحوره ولم يذق متعة مابين السطور 

- حين نطهر القلوب ونعالج الروح  

من الغدر ، الجرح ،الهجر،البغض  

لا نترك قلوب المحبين , ولا نغدر بالطيبين , ولا نتجاهل قلوب الأوفياء المقربين 

 عش ماتبقى لك من عمُر  

طاهر القلب

سليم الروح 

دمتم محبين متسامحين 

"حمرا" موجة و"بوبي" ميلودي في رمضان

منشور ف صحيفه الأزمه أول ويب تى فى إلكترونى
http://www.alazma.com/site/index.php?option=com_content&view=article&id=4930:qq-qq-&catid=154:2010-06-01-19-50-34&Itemid=4
كتبته :حبيبه حلمى 

الإعلام الترفيهي يتمتع بأفكار تتطور يوميا لجيل بات يعترف بأن قله الحياء سمة العصر، فما من فكرة تدخل حيز التنفيذ إلا تعرضت لشيء من التعديل بسبب تفاعلها مع التجربة الإنسانية واحتكاكها بالواقع، ولكنهم يصرون على تغيير أشياء كثيرة لأمور أسوأ.
شر البلية ما يضحك أحيانا ولكن البلية تظهر لنا مساوئها سريعًا حين نجد أن الصغير الذي لا يعي يكرر مايتعلمه من مشاهدة مايراه من خلال الفضائيات. 

برومو برنامج جديد سيعرض على قناة موجة كوميدي في شهر رمضان الفضيل اختار له صناعه اسم "حمرا"، وحين نسمع الاسم يخطر بأذهاننا طريقة قول الفنان أحمد حلمي في فيلم "مطب صناعي" لكلمة حمرا و كأنها أصبحت إحدى الكلمات الاعتراضية في قاموسنا الإعلامي حتى تصبح عنوان برنامج وخاصة في شهر رمضان.
لن ننسى أن نذكر رائدة الإبداع في اشتقاق الأدب من قلة الأدب وهي إعلانات قناة "ميلودي" وأذكر شعارًا بات لفترة تحمله القناة لإعلاناتها "أفلام عربي.. أم الأجنبي" بالله عليكم ماذا ننتظر بعد ذلك أن تطل علينا بثوب الفضيلة كيف؟ وظهر لنا ما تخبئه الأحداث في حملتها الجديدة التي تحمل شعار "ميلودي تتحدى قلة الأدب" طب ازاي؟.. هل تتراجع ميلودي أم تتلاعب بخبث؟
معظم الناس انتظر ما تقدمه الحملة الجديدة حتى تكفِّر عن ما قدمته من قبل ولكننا فوجئنا بأن الإعلان يحمل لنا كواليس التصوير من إغراء وإسفاف ومحاولة لإقناعنا أن الأدب شعارهم.
تم تصوير الإعلان بكواليسه التي كان من المفروض أن لا نراها ولكنه حمل في جعبته شقين أولهما أن فريق التصوير غير مستعد أن يتفهم ما هو الأدب وكيف يكون في طريقة مشي موديل الإعلان وإغرائها وفي طريقة وقفة بوبي الجديدة وحين اعترضها المخرج قالت "هي مش بوبي بتهز برضه!" ناهيك عن باقي الأحداث التي ظهرت فيها إيحاءات كثيرة. 
الشق الثاني أنها محاولة أن نتفهم صعوبة الأمر من مرحلة الانتقال من قلة الأدب للأدب، بالله عليكم ماذا ننتظر بعد الاستخفاف بعيوننا وعقولنا كيف يتعامل رب الأسرة مع أطفاله وأبنائه من مشاهد الأفلام والإعلانات والفكر الجديد في البرامج الترفيهية؟
إن ما يقتل المجتمع هو الأفكار الناجحة التي تحمل سموما في خباياها تضحك العيون وتقتل ثوابت أخلاقية ودينية واجتماعية.

هلال رمضان

ماشين ف الشوارع زى الريح  

بتسابق الخطوه خطاويها  

و وشوش بايتا فيها التفاريح  

والناس بتبارك لبعضيها

 انوار جوامعنا بتلالى وتزيد

 وقلوب الكل بتردد معنى التوحيد

 وريحه البلد تتملى بالإيمان

 مستنين بشرى هلال رمضان 

خاينه

ماتستهلش دمعه واحده من دموع الناس

 اكبر قلب مزيف 

 خاينه 

 خداعه 

 معندهاش احساس

 عملتنى حبيبى ليها

 واتاريها

 عشيقه لكل الناس  

قتلت كبريائى  

ظلمت وفائى  

خلت طعم الحب ف قلبى  

مر ومرار

 اااااه خاينه

 تستهلى ضرب النار 

اوعوا فلحظه تصعب عليكم  

ماتستهلش لحظه عطف

قلبى اللى حبها ياما ادى قلبها 

 شوق وحب و ود

باعت الحب  

خانت القلب  

وافتكرت الحب ده ضعف 

 خاينه 

 تستاهلى ضرب النار

ليه غاليتى الرخيص

 ورخصتى الغالى 

ايه اللى ضاع منى  

ولقيتيه ف انسان تانى و تانى 

كام واحد اتخلق جواه حب ليكى 

كام واحد انخدع فيكى  

ياريت ما كنا

 ولا كنتى  

ولا جيتى 

ميكروباص الدنيا

فى حاجات كتير بتخلينا نستغرب حال الدنيا  

وحاجات كتير بتحصل تشوف الدنيا عباره عن ميكروباص 

تلاقى دبان كتير يكتر على هدوم البنات 

ومحدش يفهمنى صح 

تلاقى واحده مش حلوه فرده شعرها لحد مامت منها  

وكل شوريه تلعب و تنطر فى بإيدها

 كأنها مش مستحمله جمالها 

وفاكره نفسها حلوه وعماله تبص حواليها

 شكلها اول مره تفرد شعرها عند كوافير 

اللى يغيظ وانت بتبص من الميكروباص  

تلاقى واحد ماشى ع عجله بكاسيت كبير وقميص بترتر

لما تشتغل اغنيه شربت حجرين ع الشيشه ف الميكروباص

 تفتكر ع طول خطاب الحكومه فى عيد العمال 

تلاقى التباع اوقات باصصلك كتير اوى عشان وشك ف وشه  

ده بيفكرنى بحال الشعب للحكومه  

وانت فاكر ان الزبون شايفك اتاريه سرحان 

تلاقى حد بياكل موز جنبك واللي جنبك بياكل فول سوداني

 وكأنك فجبلاية وطبعا ماتفهموش كلامى على الشعب والحكومه

 حدتانى تلاقيه راكب عربية هامر يقولك "انا مش عارف ايه مشكلة الشعب ده مع الحكومة  

عادى جدا متتعصبوش ف منه كتيربرضه  

واحيانا تلاقى ده اللى بيحصل من وقت ما فتحوا سبيل الانتخابات للرئاسه  

انك تبقي في ميكروباص ضيق وينط عليك "فرس النبي" ومافيش مكان تهرب فيه  

وبرضه متفهمونيش صح

 اخر كلامى بقى شوفوا الانتخابات الرئاسية علي الفيس بوك

 وكأنها مسابقة لبان وانا بقى هركن لحد هنا عشان هطرقع باللبان 

هو إحنا ليه بقينا كده

 برا الوطن تايهين  

جوه الوطن إحنا فين  

طلعنا فوق

 نزلنا تحت  

ندور عليه  

لقيناه بس اسم ع الخريطه

 يعنى إيه أمشى مغمض

 جنب سور ولاحيطه

 قلبى الصغير هج منه الأمان

 فــ قلب الزحمه والزيطه  

إحنا مين  

إحنا فين  

هو إحنا ليه بقينا كده  

هو إحنا الصبح ولا الدنيا ليل

 ليه خدوا منا الوفا  

والدفا

 حتى الأرغفه  

مين الى قاعد  

مين اللى صاحى  

مين اللى نايم  

يعنى ايه لمسه وطن

 يعنى ايه طعم الدفا  

وإزاى ألاقى البروده  

فحضن أمى فالشتا  

حتى أخويا

 اللى كان همه فى همى  

إبن أبويا وإبن أمى

 كله همه إنه يفارقنى

 وإنعدم عنده الوفا

 هو إحنا ليه بقينا كده 

حكمه المساء

حكمه المساء

شجرة واحدة تصنع مليون عود كبريت و لعود كبريت واحد أن يحرق مليون شجرة .

لذلك لا تدع أمر سلبي واحد يؤثر على ملايين الإيجابيات في حياتك

*************

 إذا قام صديق بتصرف فى حقك لم تفهمه وتتقبله وقتها وغضبت منه لإنك لم تفهم معناه كفيله الأيام تظهر لنا من هم الأوفياء - لاتدع غضبك يفقدك قدره الإستيعاب

******************

أساس كل المشاكل اللى بتخلينى نقاطع الناس ونقطع صله رحمنا والنفوس تشيل من بعض 90%منه نقل الكلام لو كل واحد فينا جاله حد يبلغه بخبر أو إشاعه فلتر كلامه ب3 فلاتر 1-تسأل المتكلم إذا كان متأكد من اللى بيقوله ولا لاء2--إذا كان الخبر ده شئ طيب ولا سئ -3-اللى هانسمعه من المتكلم هايفيد ولا يضر إذا كان الخبر غير صحيح وغير طيب فما هو فائدته وقيمته ولماذا نستمع له اتمنى أن لا ننقل إلاا ماهو طيب وصحيح و ذو فائده

********************

 لا تطلق بعد اليوم مصطلح عرب او المجتمع العربى استبدله بالمسلمين او المجتمع الاسلامى نتمنى من الله أن ينصر المسلمين مالم ينصر العرب انفسهم

*******************

كتير من الناس وصلوا لحاجات ابعد من اللى كانوا يتخيلوا انهم قادرين عليها عشان حاجه واحده بس فى ناس ظنت فيهم انهم قادرين على فعل الشئ ده ايه رائيكم نزود الثقه فى نفسنا ونشوف تأثيرها عامل ازاى

*************************

 لا يقاس الجمال بالمظهر ..
ومن الخطأ الاعتماد عليه فقط ..

فقد يكون خلف جمال المظهر قبح جوهر

*************************

الرياح تحدت الشمس تخلع عن الراجل العجوز الجاكت وبدات الرياح تحاول بقوتها تشيل الجاكت وهو يتمسك به اكتر لحد مالرياح اعلنت وخسارتها ابتسمت الشمس وطلعت بهدوء ومليت المكان دفا فحس العجوز بزياده فالدفا فاقلع الجاكت-التعامل الصح:مش كل الأساليب القاسية بترجعلينا بمنفعةاوقات بتجلب لنا تعب نفسي وذهنى نغير من تعاملنامع بعضنا ونمحي ظاهرة العنف والإكراه ونبدلها بالكلمة الطيبةليُصبح مجتمعنا أفضل

**********************

لو فاكرين إن التعليم تمنه غالى فى حاجات كتير رخيصه زى الجهل والجاهل مالوش تمن

********************

الناس ك الكتب نتعرف عليها ونقرأها وهناك كتب قيمه وهناك كتب تستحق الحرق

*********************

أوعى تزعل على نجمه ضاعت منك السماء مليانه نجوم  

ولو كانت نجمه مش من نصيبك مين عارف يمكن يكون القمر هو اللى من نصيبك  

مش معنى كده تضيعوا اللى فى ايديكم وتجروا ورا حاجه تانيه 

:)

***********************

 لو كرهت الدنـــيا بســـبب شخـــص واحــــــد  

انت كده عملت زى اللى حرق بــــيته عشان يتخلص من حــشــره  

ننضف قلوبنا من الكره زى ما بنضف بيوتنا  

افتحوا الشبابيك واتنفسوا هوا جديد يطرى ع مراوح القلب 

:)

************

الرجوله يعنى  

مش تحبك كل الستات 

 الرجوله يعنى تشرب بريل وتسترجل 

 وتخلص لإنسانة واحده بس

***********

ربما كان من الخير أن تحب بعقل وروية 

ولكن من الممتع أن تشاهد النشرات الاخباريه

 وتقراء الصحف اليوميه والوطنيه والتصريحات القانونيه

 لنشعر أن وجود الحبيب فى حياتنا مهم جدا

 ليمسح الدموع ويذكرنا بمواعيد الأدويه المهدئه للأعصاب 

 والمخفضه للضغط دمتم لنا ياأحبائنا نعمه

*******************

فى وقت نكتشف فيه

أن كل شئ لازم جداً

و وقت تانى نكتشف فيه

أن كل شئ مالوش لزوم أبداً