الأربعاء، مايو 12، 2010

مولد سيدى كبير



فى مولد سيدى كبير

 راح ننشد المواويل 

ع اللى شال العار

 ياما غنينا غناوى  

فأعياد وانتصار

 وطِحنا كما الاعصار  

وبعد سيدى ديفيد 

بدأنا فالانحِسار  

خدوا منا أراضينا  

و لاعرفنا نحمي سينا

 ولا نزرع أراضينا

ولاعاد فى صناعة

ولا حتى سلاح يحمينا  

ضاعت امالك مصر

باعوها سكان القصر

-سابوا مكانها جراح  

وديون تفوق الحصر

 إخواتى ف كل الدنيا

 قرابتهم هى الدنيا  

لا قادر يوم تحميهم  

و بتسد عليهم الدنيا 

كعب وعلى راسك عالى

 وحميرهم عندك غاليه 

لو يأمروا زرعنا تقلعوا 

 وتهد السـد العالى