السبت، فبراير 05، 2011

أطرف تعليقات على ثورة 25 يناير ... من انتاج الشعب المصرى



دي تجميعات قليله جدا من تعليقات الشعب المصري على ثورة 25 يناير
مش من تأليفي ولا إبداعي ده مجرد تجميع لإبداع شعب مبدع
 
نجارين مصر يطالبون معرفه نوع الغراء الذي يستعمله سياده الرئيس

قررت الحكومه قبل 25 يناير ضم عيد الحب وعيد الام وعيد الشرطه وعيد التدين فى عيد واحد وهو
عيد حب دين أم الشرطه
 
عزيزي البلطجي :اما تبيع اللاب توب ب 200 جنيه و ال اي فون ب 350 جنيه لازم تتحاكم بتهمه الغباء المدني

النتائج المترتبه على ان الزمالك اول الدورى
قيام الثوره
حرق مصر
المظاهرات الداخليه والخارجيه
الغاء الدورى المصرى
 
عـأأأجـل : الرئيس حسنى مبارك بيقول منعتوا الحشيش اهو الشعب فاق ياولاد الكلب

رسالة من تلميذ مصري : إلى أعزائي المتظاهرين في ميدان التحرير .. بخصوص الثورة اللي شغالة عندكم متنسوش أنها هتدخل في مادة التاريخ واحنا اللي بنحفظ !! فاختصروا من فضلكم

بلطجي للتلفزيون المصري : الحقونا العيال بيحدفوا عالينا قنابل بلوتوث

عاجل: بن علي يتدخل في إذاعة موزاييك و يهدي أغنية "مستنياك" لحسني مبارك
 
بما اننا بقينا جيل الثورة بقترح اننا نعيد انتاج بعض الافلام مثل
الرصاصة المطاطية لا تزال في جيبي .. عودة النت  .. ستاتس هزت عرش مصر .. في بيتنا بلطجية .. ليلة القبض على عز .. أجندات ولكن .. جاءنا الرئيس التالي .. مبارك طير أنت .. نحن لا نرمى المولوتوف .. مهمه في ميدان التحرير .. أبي فوق الدبابة ..  البحث ...عن دستور.
 
لمده تلت ايام GTA مصر كان بيتلعب فيها

يعنى ايه كوك زيرو ?? ... يعنى تبقى واقف فى اللجنه الشعبيه بتحشش و معاك سلاح و يجى البوكس تقوم مفتشه وتقول لرئيس المباحث بطاقتك يانجم
 
يعنى ايه كوك زيرو ...يعني مصر تعمل مظاهرات والجزائر هيه الي تلغي قانون الطوارىء.... يعنى العساكر والظباط تأخد أجازة نص السنة واحنا نوقف خدمة طول الليل
يعني احنا نعمل ثورة والمساجين هما إللي يتحررو

مبارك ... بينا موبيلات بقة

هي مصر لو كسبت هتقابل تونس فى النهائي
 
مبارك يأمر كل القنوات الفضائية أن تزيع أغنية هشام عباس : هتقولي امشي مش هامشي هتجيبلي حد يقولي امشى مبمشييش

الكدب الحصري على التلفزيون المصري

نرجو من الساده المسؤلين جعل كرسي الرئاسه تيفال عشان ميلزقش

عاجل : توجه فريق طبى ألمانى مكون من 30 طبيب وجراح إلى القاهرة وتحديداً إلى قصر الرئاسة لفصل التوأم الملتصق حسنى مبارك وكرسى السلطة
 
توقعات لثوره25
1فوز الشعب
2فوز الريس
3تعادل الفريقين

الوحيد الملتزم بحظر التجول هو حسنى مبارك