السبت، أبريل 09، 2011

لكل قيادات المجلس الأعلى للقوات المسلحة الرجاء التحرك بحسم

 
سيادة اللواء اسماعيل عثمان الله يباركلك عشان المصداقية والناس الوحشة اللي بتعمل وقعية السرعة في تنفيذ الإجراءات حضراتكم المسئوليين عن البلد مينفعش مع كل خبر للمليونية نتخدر بكام خبر من عندكم للتهدئة زي رؤية زكريا عزمي بعد شهرين و مادام عاملين حساب للقلق على السفارات و على السياحة نلم الليلة بقى و بالنسبة لضرب النار اللي حصل وحضراتكم اعلنتم النفي برغم اننا اتفرجنا عالبث ف الجزيرة هانستعبط لازم نسارع بالتنفيذ عشان مصر
تعالو بقى نتكلم جد
القوات المسلحة مش بتحمي نفسها وتحمينا ليه
يعني أيه صحف تصدر اخبار عن القوات المسلحة بإشاعات و بعدها القوات المسلحة تكدب الإشاعة مين بيساعد على إنتشار الإشاعات
ليه ميبقاش في قانون مفعل يتم جزاء كل من يصدر خبر باسم القوات المسلحة و يثير بلبلة في المجتمع
ثم ليه لما عارفين ان في ثورة مضادة من البداية ماقضوش عليها ودلوقتى اسم فلول النظلم والحزب بقى ينزل ف البيان العسكري
ألوم مين انا دلوقتي
ليه مع كل مليونية نلاقي قبلها بأيام قرارات بمحاسبة فلان و تصوير علان ليه مفيش حسم من البداية
ليه نبقى أرض خصبة للوقعية
القوات المسلحة عليها دور هو الإسراع بالقضاء على الفاسدين والسرعة في الإجراءات من أجل القضاء على أي وقيعة الديمقراطية مش صورة بنصدرها للعالم عشان يتقال علينا ديمقراطيين الديمقراطية فعل و بنتعلمها من القيادة العليا معظم شعب مصر يعيش أسفل صراع ساخن و ينقسم الشعب بين مؤيد ومعارض و ناقم  
 أين  المصداقية في الفعل والقول  لولا التباطؤ في المصداقية ما كان يحدث ما حدث تم الإعلان عن المشتركين في موقعة الجمل منذ أكثر من شهرين و الأن نجد اسم يتكرر مرة أخرى ابراهيم كمال الناس دي  سايبينها ليه لحد دلوقتي و لا عشان نلاقي كلمة الثورة المضادة دايما امام عيونا و تعيش كلمة فلول النظام السابق  شماعة بدون القضاء عليها
لكل قيادات المجلس الأعلى للقوات المسلحة الرجاء التحرك بحسم حتى لا تأخذنا دوامة التوهه و تقع مصر
الى المجلس العسكري.: من يضع نفسه محل شك لا يلوم إلا نفسه.