الأحد، يناير 10، 2016

دايرة العتاب



عتاب عتاب عتاب 
يا دايرة العتاب
فتحتي ياما أبواب
و قفلتي 1000 باب
ياما تعبت منا روحنا 
ياما جينا و ياما روحنا 
في ليالي سنين عذاب 
عتاب عتاب عتاب
ياما خد منا و ادينا 
و بنينا و اتهدينا
من مر العتاب
دا الشوق ف لحظة تاب
من صدمة العتاب 
خسرنا ياما أصحاب
 جمعنا بالأحباب
و بعده إتلمينا
في حضنه بعد البعاد 
يادايرة العتاب 
بتدوري تلفي بينا 
وترسي مرة في مينا 
نضحك مرة فيها
وتبكينا الأسباب