الأربعاء، أكتوبر 13، 2010

فضفضه على جنب


مستغربه وبحاول أدارى صدمتي في الناس وأحكم عقلي أصلهم بيقولوا عليا عقلانيه 
الروح اللى جواي حابه كل الناس بحاول أساعدهم على قد مقدر مش بحب الخبث 
و لا أحب إني أكون وحشه مع حد إلا لو اضطرني كل واحد فينا جواه كويس و وحش 
ولو على الشر سهل جدا بس اللى يقبل بي وتكون نفسه مرتاحة بعد كده
مستغربه ليه بقى:
في ناس ساعدتني ف البداية في طريق الكتابة كنت مجرد هاوية ومازالت  مش أكتر ممكن شافوا فيا حاجه أنا مش شايفاها في نفسي بحب أتكلم بتلقائيه اعبر محدش فينا صح على طول وغلط على طول
 
بس لما ألاقى الناس اللى كانت بتساعد في أول الطريق بتبتدى تهاجم على الملأ هنا بستغرب
لو الإنسان ده يعز عليك ليه ماترسلش له على الخاص تلفت نظره إن في أخطاء أكيد هو في يوم من الأيام كان عنده أخطاء ولا أيه 
مش بنسى فضل حد عليا ولا ناكره للجميل بس بستغرب
بلاحظ عدد القراءات ليا في الصحيفة تتعدى 1055 والتعليقات تبقى كتير وبعد أخر مقال في أول يوم يكون عدد القراءات تعدى 200 بحمد ربنا
نوع تانى من الناس:
  المفروض إن في بينكم عشرة وعارف طباعك كويس وان في حاجه اسمها  احترام المفروض إن نحافظ عليه من الطرفين عشان المعرفة تدوم 
تلاقىعمل موقف غلط مع صديقه عزيزة عليك تقوم منبه عليه من قبلها انك مش بتحب كده ومش هاتسمح بي  تلاقى قلب عليك وطلعك أنت اللى وحش 
هو إحنا المفروض نعامل الناس ازاى مش هدور على المثالية هتعامل بطبعي الناس عمرها ما هترضى عن الناس  مش هعمل زى جحا والحمار بعمل اللى يريح ضميري واللي مش هيستوعب الكلام ده النهارده هايجيله يوم يستوعبه
على فكره لسه فى ناس كويسين برغم انى مش بعرفهم غير من بعيد على الفيس بوك بس معاملتهم مشفتش فيها حاجه وحشه بتلاقيهم واقفين جنبك وبيساعدوك قبل ما تطلب مساعده 
اغنيه 
دور ع الناس 

قلبى يا طير مروح يا مروح فى الغروب 
ياغريب عن الصحاب وغريب عن الدروب 
عطشان والمية فى اديا حيران مش لاقى مرسيا 
دور ع الناس فى قلوب الناس 
هتلاقى الخير والخير فى الناس دور ع الناس 
*** 
بتضحك سكة ليا وبترجع تانى بيا 
اتارى الغربة صعبة والخطوة هية هية 
وخدنى لية بعيد يا حلم يا عنيد 
على شواطى الغربة 
حكمه 
 اعقل الناس ..أعذرهم للناس
 
أخر كلام
بنقابل ناس كتير في حياتنا وبعد فتره نسأل الأيام جمعتنا معاهم ليه 
مش زعلانه من حد ولا هحاول ازعل بحاول أتعلم