الأربعاء، نوفمبر 10، 2010

حركة + حركة = حركات جــ 1


Time to Change

اللغة العامية دلوقتى هى اللغة الرئيسية و النهاردة كلامنا هايكون باللغة الشعبية المصرية هنتكلم عن حركة و حركة و حركة بتساوى حركات.
 بنشوفها و بتحصل قدمنا طول ما إحنا عايشين فى الدنيا بنقابل كتير حركات حركة بتغير للأحسن و حركة كانت قلتها أحسن و حركة فيها ألف بركة .
حركة بالعامية المصرية يعنى تعبير لفظى – تعبير حركى. والحركة اللى عايزة أتكلم عنها النهاردة حركة حصلت مع المصريين حركة المرشحين الشعبين لرئاسة الجمهورية
أول حركة كان لها صدى وسمعت مع ناس كتير حركة د- محمد البرادعى حركة التغيير
دكتور البرادعى من البداية قال أنه مش هايرشح نفسة و لكن طالب الشعب يطالب بالتغيير يعنى إية الكلام ده
هو فى جماعة تنوي الصلاة بدون إمام (مجرد تشبيه )
الكورة إترمت فى ملعب الشعب و كان مطلوب من الشعب انه يجيب هدف بس للأسف الشعب مش متعود ينزل ماتشات 
و لا يلعب إنما منتظر وعنده إستعداد يلاقى مدرب محترف .
الشعب نزل بالكورة الملعب و فضل يلعب بس خسارة مكنش شايف طريق الشبكه عشان ينشن و يجيب جول حركات مستميتة حولين الكورة و قبل ما يتقطع نفسه طًلع الصفارة د- البرادعى وصفر قال أنا مش لاعب كملو لعب وقف الشعب فى وسط الملعب مش عارف يعمل ايه يروح يمين ولا يروح شمال طيب الخطوة الصح تبقى فين و إزاى .
و إتقسم الشعب لنصين نص مهاجم و نص مدافع برغم إنة كان فريق .
كانت حركة – حركة للتعبير لترويض الشعب إنه يعرف يختار بس للأسف لسة قدامنا كتير عشان نعرف ناخد حركة زى دى
عشان تعرف تختار :حدد هدفك شوف إنت محتاج أيه .
و مين ينفع تختاره - يا ترى قدم أيه حلول لقضايا بلدك
 نعرف نختارإزاى؟
ما تعتمدش على الشو الإعلامى اللى بيتقدم لك
لما نبطل ناخد ثقافتنا من التلفزيون والبحث على جوجل
لما نلاقى حد خايف على البلد بجد مش بيستغل مشاعر الناس (ليس المقصود هنا د- البرادعى لكن هناك آخرون )
لما نرجع نقرا فى كتب التاريخ من تانى ونتعلم إزاى الناس كانت بتختار
لما ولما ولما و دلوقتى الدنيا لمت لمه
أسمحوا لى أختتم باللغة العربية الفصحى لإن أساس اللغة -عربية و ليست عامية
هناك آخرون يدفعوننا دفعا بأفكارهم  لبداية طريق .
التغير الذى نطالب به لم و لن يتجسد  فى وجود شخص واحد سيأتى التغير عندما نتغير نحن فى إسلوب  التفكير الحوار و التعامل مع الأخرين  .
كيف نأخذ الموقف الصحيح فى الوقت المناسب
حركة التغير كلمة و لكن معناها يحمل الكثير