الاثنين، أكتوبر 04، 2010

أقوى على جرحك


إنسى القديم واقتل التوهه والحيره
أنكرالضعف وخلى العنادغيره 
ادفن هزمتك زى الكنوز ف الرمل 
لما تنتصر هتلقى الكنوزعيره 
أقوى على الايام خبى جرحك 
نادى فرحك وفضها سيره
**************

إتفرج على الدنيا 
دى 100 حال ف الثنيه
واختار انت الطريق 
لا كل صاحب يتصاحب
ولا عاد فى سر ف بير
لو يوم عماك الهوى 
خد العمى رفيق
والشمس نورها معاك
ف العتمه يوريك 
عشش وعيش فالنهار
لو تأمن لليل  يعميك 
******************
القلب شقه الحزن 
طلع من الليل مواويل 
يالى بتحتمى بالبسمله 
لا تاخد عطيه من بخيل
لو تصاحب الزمن ليلتين 
يقرص الزمن صاحبه 
قرصه الزمن ماليها دوا
دى بتخلى الطباع تميل   
وهتشفى من الزمن
لو كان أصلك أصيل
**************
الحب متل الفرس 
يجرى فأرض براح
لو جرى بعيد عنك 
أوعى تقول راح
قلوبنا دى سكته 
وبتجرى فيها الخيل
نبضك صهيل الفرس 
والحدوه فينا جراح