السبت، أكتوبر 29، 2011

قنوات الاكتتاب العام و من الشعب للشعب


طالعت فيما مضى اقتراح من الاعلامي محمد موافي باطلاق قناة اخبارية مصرية بالاكتتاب العام و مؤخرا اطلق الاعلامي الكبير اسعد طه فكرة قناة الشعب يريد و تحمس للفكرة العديد من نجوم الاعلام المصري والعربي و بدأت خطوات فعلية و ايجابية بهدف تحول الفكرة الى عمل حقيقي . بداية انا فخور بكل هذه المبادرات و اكثر فخرا بالحماس و التكاتف لتحويل الافكار الى خطوات عملية و لكن مازال يؤرقني امر محدد و هو : هل ستطلق هذه القنوات لتعمل تحت مظلة القوانين التي قام بحياكتها صفوت الشريف ؟؟ هل من المنطقي ان نتحمس لاطلاق قناة تعمل في ظل نفس الظروف و التشريعات و القوانين و اللوائح  التي تمنح اي شخص ينتمي للحكومة الحق في مداهمة اي مكتب لتلك القناة او قطع اشارة بث هذه القناة او وقف ترخيص تلك القناة بل و من الممكن التدخل في سياسات القناة و التأثير على ادائها او اعتراض حركة فرق العمل الخاصة بها في الشوارع و المدن المختلفة ؟؟
نعم القوانين الحالية تتيح كل هذا لجهات متعددة و الاصل فيها ان ما يحكم الاعلام المرئي و المسموع في مصر هو قانون يرجع تاريخه الى عام 1979 و هو تحديدا عصر الايريال الهوائي او الاجهزة قبل الملونة.. و تعديلات القانون ترجع الى عام 1989 اي عصر ما قبل الاقمار الصناعية و القنوات الخاصة و الفضائية .. و ما هو ملخص هذا القانون : الملخص  ان اتحاد الاذاعة و التليفزيون هو صاحب الحق في البث على اراضي جمهوريةمصر العربية و هو ايضا الجهة التي تمنح الموافقة على اي بث سواء لقنوات مصرية خاصة او عربية او اجنبية و من خلال الاتحاد كان الامر او اصبح من خلال الهيئة العامة للاستثمار او الجهاز القومي لتنظيم الاتصالات او المنطقة الاعلامية الحرة الخ كلها في النهاية تتواصل مع بعضها البعض و تؤدي نفس الغرض و النتيجة .. التضييق على الاعلام و الاعلاميين وقت الحاجة .
و بالتالي انا اناشد كل اعلامي حر و شريف و يحرص على تهيئة بيئة محترمة نمارس فيها رسالتنا الاعلامية بحرية و بدون تجاوز  للمعايير الدولية و بحياد و نزاهة و ان نبدا حملة لوقف العمل بالقوانين السيئة السمعة التي تحكم الاعلام المرئي و المسموع و ان يتم تحييد دور اتحاد الاذاعة و التليفزيون الذي يؤدي مهام الحكم المسيطر المهيمن و في نفس الوقت هو المنافس للقنوات و الاذاعات و شركات الخدمات الاخرى ..
هذا القانون يخالف الدستور  و يخالف الاعلان الدستوري و اللوائح التي يتم تطبيقها  بشكل آلي هي قوانين تهدف الى التضييق و الاعاقة و فرض القيود و لا تتوافر فيها البنود التي تسمح بحرية التعبير عن الرأي و حماية المنافسة و مكافحة الاحتكار..
تعالوا نتحرك بشكل ايجابي و نجمع التوكيلات لاحد المحامين ليتولى رفع الدعوى و ننطلق للبناء على ارضية صلبة بما ينفعنا و ينفع ابناءنا في المستقبل
لقد شهدت الاشهر الاخيرة سلسلة من الاجراءات ادى التعسف فيها الى احداث جراح غائرة في جبين الاعلام المصري و ان كانت اتصور انه احقاقا للحق ان القائمين على الاعلام لا حيلة لهم و لا  ذنب طالما انه لم يتم اصدار قرار بوقف العمل باللوائح القديمة و القوانين التي اشرف على حياكتها صفوت الشريف و الاجراءات التي اسهم انس الفقي في ترسيخها .. فهم ان لم ينفذوا ما تنص عليه تلك القوانين سيعتبروا متواطئين او متقاعسين عن اداء مهام وظائفهم و ان نفذوها فهم سيكونوا اداة بطش و تنكيل بحرية الاعلام و الاعلاميين فرفقا بالقائمين على الاعلام ان صدقت نواياهم و في نفس الوقت لا يمكن التغاضي عن احداث مثل اغلاق مكاتب الجزيرة مباشر مصر و مداهمة مكاتب قنوات الحرة و مصر 25 و ما لحق بالزملاء ريم ماجد منذ اشهر و من بعدها واقعة التدخل في اختيارات و صميم عمل الاعلامي الكبير يسري فودة و على السريع اصدار تحذيرات او انذارات لقنوات دريم و اون تي في و التحرير ..
زملائي الاعزاء ارجو ان تتضامنوا معي لاتخاذ خطوات عملية لاقرار لائحة تنفيذية مؤقتة لتسيير الاعمال الاعلامية و حماية حرية الاعلام و الاعلاميين لحين اصدار قوانين جديدة تحل محل القوانين سيئة السمعة التي تم اعدادها بمهارة لتكميم الافواة و البطش باي مؤسسة او شخص  لا يذعن لتوجيهات وزارة الاعلام او ما يتبعها من اوامر بالمنع او التخفيف او التعديل الخ مما لا يمكن ان يقبله اعلامي يحترم نفسه و عمله و يحترم مشاهديه او مستمعيه و يخلص لوطنه
أرسل لنا هذا النص جمال نازي مدير شركة يونيك ميديا برودكشن موفر الخدمات لقناة الجزيرة مباشر مصر و الذي كان مطلوب ضبطه و احضاره بقرار من النيابة العامة على اثر مداهمة الاستديو الخاص به..  
إذا كان رأيه صواب و فكرته مناسبة نتمنى المساعدة و ذلك لمن يهتم بالأمر في اتخاذ خطوة ايجابية

قصيدة الديكتاتور

قصيدة الديكتاتور
- قتلت كريمة
- لأ انا قتلت كارمن
- كارمن هى كريمة الإتنين واحد
- انا قتلتها لأنها كانت لا زم تموت
- الديكتاتور اللى زيك هو اللى لازم يموت
- وانا مين عشان أموت ؟
ده انا ما فيش فى ايدى كرباج و لا نبوت
ده انا ديكتاتور صغير
يدوب لسه فى حضانة
باتهجى اول حروفى فى القهر و الإهانة
من كتر خوفى من خوف ابن الجبانة
الكذب و الخيانة
قلت أعمل ديكتاتور
و لو انى لسه لى كتير 
عشان أكمل علام 
و آخد فى ايدى الشهادة 
شهادة الديكتاتوراه
و ألعب لعب الحواة
و أفسد الحياة
و أدوس على الجباه
و أشعلل الحرايق
و أظلم الخلايق
و أطيح فى خلق الله
- كارمن هى اللى حرة 
و انا اللى ديكتاتور 
و انتوا عايشين كمالة ؟
و لا عايشين عوالة ؟
و لا كمالة الطابور ؟
- كارمن رمز الحياة 
و انا اللى شرير و قاتل
الدنيا من البداية 
محترفة فى صناعة 
الشخص الديكتاتور 
من يوم بدء الخليقة
مش قادرة تحمى حق 
و لا قادرة ترد ظلم 
و لا قادرة على الحقيقة
و لا تمنع ديكتاتور 
من كل صنف و لون من قهرة للعباد
تعالوا نشوف و نقرا فى كتاب الإنسانية
أنواع مالهاش نهاية
من الديكتاتورية
فيه ديكتاتور سياسى 
و ديكتاتور حماسى
فيه ديكتاتور قرارى 
وفيه ديكتاتور حرارى
ديكتاتور فظيع 
و ديكتاتور وضيع 
و ديكتاتور رقيع
فيه ديكتاتور ذكى 
و فيه ديكتاتور غبى
و ديكتاتور عبيط 
و ديكتاتور حويط 
و ديكتاتور أليط
فيه ديكتاتور مهزء 
و فيه ديكتاتور ملزق
ديكتاتور شقى 
و ديكتاتور عفى 
و ديكتاتور عجوز
فيه ديكتاتور شجاع 
و فيه ديكتاتور جبان
و ديكتاتور زمان
غير ديكتاتور الزمان ده
الديكتاتور زمان 
كان زى جنكيز خان 
و هولاكو و هتلر و موسولينى
الديكتاتور معشش فى وجدان التاريخ ....
فى قلب الإنسانية
و كل واحد فينا جواه ديكتاتور
بصوا على اى حد و حاتلاقوه
موجود اهوه
تحت جلده
بقايا الديكتاتورية
- انا عشقت كارمن ... 
لحن الحياة و الحرية الطليقة
و الأغنية البريئة
بتهرب من اسنانى لنياب الأولانى ...
لمخالب ديناصور
سايبين الكون بحاله
بظلمه و بظلامه
و جايين عليا انا 
و تقولوا عليا ديكتاتور 
و ظلمت الإنسانية
و كارمن النبيلة
ضحيتى الجميلة
قتلتها ؟
- ايوه قتلتها ....
ايوه قتلت كارمن ، 
و كريمة هى كارمن  
مافيش اى فرق
كارمن  
قالت لى لأ و كريمة كمان قالتها
وانا ناويت ليلتها
أقتل البنت دية
قتل مالوهش دية
يعنى أقتل الحرية
أيوه قتلتها .... 
طب انتوا عملتوا إيه ؟
ساكتين من بدرى ليه ؟
ما قلتوش لأ ليه ؟
عشان ما بتقولوش
طلع لنا قراقوش
و ميت عفراكوش
ده غير اللى ما نعرفوش
من كل شكل ولون
بالذمة انا ابقى مين ؟
انا ابقى مين فى وسط دول ؟
ده انا ديكتاتور لسه بلية 
عند معلم كبير بيأمرنى أنفذ ... 
و انتوا ..... اهو ساكتين
ده انا بتلكك بيكوا
و اتعكز عليكوا
و عشمان لسه فيكوا
تقولوا لأ
نفسى مرة أسمعكوا تقولوا لأ
قوية
للديكتاتور إياه الكبير
قولوا لأ
و انا معاكوا
قولوا لأ للأمريكان
و للصهاينة 
و لعنف الإحتلال
قولوا لأ لكوبنهاجن 
و بنى الذل و الهوان
و بلاش نفاق
قولوا لأ للى حاصل فى الخليج 
و فى العراق
قولوا لأ للمدابح 
فى جنوب لبنان
قولوا لأ
أقفوا مع كل ثائر 
فى القدس و الجولان
قاطعوا فى يوم البضائع
و الوجبات السريعة
و إفساد الطبيعة
أصرخ
أصرخ بعزم صوتك
و انا حاقول معاك
قولوا لأ للحروب
قولوا لأ للمجاعة
قولوا لأ للتآمر
قولوا لأ للخيانة
قولوا لأ للخنوع
قولوا لأ للخداع
قولوا لأ للى باع 
و اللى لسه حايبيع
قولوا لأ و السلام