إمراة كاذبة

أيا أمراة يسكن الكذب رحمها 

فلا تستطعم رحيق الإستقرار

تتمكن  من وجع القلب

كذبها طلقات رصاص من نار

حين تعشق كاذبة أعلى درجات الجنون

ستصير كأسد غاضب  

غاديٍ أتٍ بسهم الحيرة مطعون 

الكدب

الكدب صفا له الزمن صبح سيد عشيرة  

ترك الصدق المجالس فاتها للخيبة

 تدب رجل فرعون في الأرض 

 يحلفوا يقولوا موسى 

 غيطانك مالتها الحدادي 

من إمتى يا نهر مَيّتك خسيسة

الكدب كتر قوى فى زمننا دلوقتى بقى من الصعب تلاقى الصادق كدب فالمشاعر كدب ف الأخبار كدب فى الحياة هو ليه الصدق بقى عملة نادرة 

لو الحكومة بتقفش الصادقين قولوا لنا يمكن بقوا حاجة وحشة واحنا مش عارفين

الروح تعبانة

نزلت ع الخد فاتت 

طلعت من جوه روحي

دمعة من غير صوت

لاحد بِها حـّس 

ولا ف يوم كان لِها حِس

و أهى الأيام بتفوت

تايهة الخطوة منى 

ف عز حِزنى بغنى 

والكلام سَكنه السكوت

 النفس حزنانة 

خايفة
و 
قلقانة
ما الروح تعبانة
و

اللى مطمنا 
ربنا معانا

إعمل عبيط

اعمل عبيط وفوت 
أسمع و اتمزج 
مش عيب
لكل لعيب وحويط
بيرص بكيف الأكاذيب

و اما تقابل حد بيسرق 
خد من قوتنا
 شقانا
 عرقنا
كدب عينك
متصدقش
دا فاعل خير 

و اما يقولوا بطالة مفيش
 ابصم بالعشرة وعيش
ويا شباب عالقهوة يشيش 
و سالف تمن بقشيش

اعمل عبيط
خليك فالصورة 
زاحم وانحشر 
خليك غتيت.
مش فاهم حاجة من الصورة
فيها ايه لما فـ الظيطة تظيط

اعمل عبيط عمر البكا 
ماغير التخطيط
اعمل عبيط مهما تكون
 فيها غريب مطحون
ماشي تحت ألف حيط 

اعمل عبيط 
و اقف من بعيد
اتبسط ويا المباسيط 

اعمل عبيط
لما تشوف الناس متحسرة و متحاصرة
وطالعين بكام قتيل من قلب المظاهرة

اعمل عبيط
على أي تعديل
شالو وزير 
جابو وزير
والحالة عجب 
ماتفلقش راسك
 بالتفكير

يا بلد و ماشية بضهرها
يا كل حاجة و عكسها

ماتسيتغربش ليه الناس 
ماشية بالعكس
بترشى
بتمشي مخالف 
ومابتخفش
كلة بيعدي بالقرش

اعمل عبيط وعيش 
تشوف بلدنا جنة 
وهي جنة أيوه جنة 
هي جنة للعبيط 

صدى حملتى على برنامج 100مسا فى الصحف

جروب يهاجم "100 مسا" ويدعو الفقى لإيقافه :

اليوم السابع

http://www.youm7.com/News.asp?NewsID=266648

ميس حمدان تواجه حملة إلكترونية تطالب بوقف برنامج "100 مسا"

الامارات تايمز

http://www.emarattimes.com/index.php?option=com_content&view=article&id=43582:--------q100-q-
&catid=38:2009-01-24-11-01-50&Itemid=117

موقع جريدة الأنباء - الأخيرة - اتهام ميس حمدان بإهانة المصريين

http://www.alanba.com.kw/AbsoluteNMNEW/templates/last2010.aspx?articleid=131341&zoneid=29

رصد لكل الصحف والاخبار التى تتابع حملتنا

اخبار اهل الفن
http://www.elnashrafan.com/news-1-21982.html

الاهرام تكتب عن حملتنا عقبال ما الوزير المصرى أنس الفقى ياخد حطوه إجابية

http://www.ahram.org.eg/262/2010/08/18/7/34575.aspx

واضح ان ميس والمسئولين نظرهم ضعيف نحن لم نتصيد الفاظ الفقره فى البرنامج مليئه بالالفاظ وهذا خطئكم

http://www.alarab.co.uk/print.asp?fname=\data\2010\08\08-20\431.htm

المصريين جعانيين بيستنوا التفاحة تحت الشجرة كل يوم واتربوا بالضرب بالجزمة وكمان عمرهم ما اخترعوا ولا ابتكروا حاجة اخر حاجة ابتكارهوا االجزمة اللي بتنور واللي بتزمر ومروحة العربية شفتوا بقى المصريين -ده اخر ماقلته ميس حمدان في 100 مسا ويا عيني علي الشعب الغلبان اللي بيتشم ليل ونهار علي شاشة تليفزيونه ويا عيني علي الشباب اللي خلاص سلم ورفع الرايه معلهش اصلنا اتربينا بالضرب بالجزمة

مقطتفات من حملتى على برنامج 100مسا على الفيسبوك

دي صورة وهي بتقلد مدرس الجبر اللي واضح انه بلطجي بالفعل وبيمشي بطريقة شبة المنحرف حلقه اليوم من برنامج 100مسا كانت عن التريقه على المدرسين وانهم متحرشين المدرسين بيتحرشوا بالمدرسات ومدرس الانجليزى مابيعملش حاجه غير انه بيحل المشاكل العاطفيه للبنات

ـــــــــــــــــــــــــــــــــــــــــــــــــــــــــــــــــــ

بتناقشوا في اية في الضرب ولا في ان الاهلي ماعرفش يحل لغز الدفاع لثاني مرة علي التوالي ولا في ان الحكم كان معروف من الاول انه هياجامل اصحاب الارض وما ماحدش اعترض وقدر يغير الجكم ؟ علي العموم الست ميس حمدان ماسكه ليكم الجزمة شوفوا مش عارف ايه حكايتها مع الجزمة

أحدى حملاتى على الفيسبوك لا لميس حمدان وإهانتها للمصريين فــ برنامج 100مسا

قمت بشن حملة على الفيس بوك على برنامج مستفز لا يحمل أى هدف سوى التريقه والاستخفاف بالمصرين برنامج 100 مسا ده لينك حملتى كتبت عنه كبار الصحف ولكن المسئولين كالعاده لا يستمعوا الى صوت الشعب المبادره القادمه كتابه بيان يحمل توقيع من كل اعضاء الحمله الذى تجاوز عددهم
4,343Monthly Active Users138Daily New Likes0Daily Post Views0Daily Post Feedback
ده رابط الحملة على الفيسبوك  لا لميس حمدان واهانتها للمصرين فى برنامج 100مسا
http://www.facebook.com/hhelmy3#!/pages/la-lmys-hmdan-wahantha-llmsrryn-f-brnamj-100msa/139857309385755?ref=ts

أزهى عصور القرف "التفنن فى إهدار المال العام"

تخيل ولماذا نتخيل فلنفكرعندما يعرض علينا برنامج ممل وغير هادف وبه من الإهانات المستمرة وتهكم على حال البلد لا يحمل نصيحة ولا يحمل فى طياتة سوى السخرية من وضع شعب تمثله ممثله شابه تبحث عن فرصة على حساب الأخرين ليس مهم أن تغضب شعب وليس مهم أن تموت الإبتسامة على شفاه ملبده بالطعن المسمى بالسخريه والستاند أب عندما تأخذ مقدمه برامج فى الحلقة الواحده 20 ألف جنيه والتعاقد على 100 حلقه من مسائنا هل تجيد فن الحسابات وإن لم تجيد فجميعنا يعلم ان هناك مخترع إخترع لنا أله حاسبة تحسب لنا معدل هذه الأرقام فى النهايه مليار جنيه هي إجمالي التكلفة الإنتاجية للمسلسلات التي يتم عرضها على شاشة القنوات الفضائية العربية في شهر رمضان نعم مليار ج.م 


ولم يكون فى هذا الشهر مسلسل واحد دينى  لماذالا يحتوي 48 مسلسلا تليفزيونيًّا 


مقدمًا على القنوات الأربعة على مسلسلٍ تاريخي أو ديني 50 مسلسلاً مصريًّا تعدت 


ميزانيتها المليار جنيه وهنا تساؤل يطرح نفسه هل يحمل شهر رمضان فى زحمة هذه المسلسلات مسلسل دينى فى هذه السنه هل تتعامل الفضائيات مع رمضان في مصر على أنه عادات وتقاليد لذلك نجد أننا لا نولي المسلسل الديني أو التاريخي أهمية مما يصيب العمل التاريخي والديني بالفشل؟
تطل عليك إحداهن وهى تتمايل وتتراقص ليس غريب فلقد أصبح الأن فقره الملهى الليلى فقره ثابته على جميع الفضائيات ولكن على الشاشه المصريه وفى شهر رمضان تلك هى المشكلة تخيلت إحدى الردود وهى تقول لماذا تستنكرى الرقص فى رمضان ألم يأتى من قبل فوازير إستعراضيه أقول الفوازير شئ أخر ولكن حينا تطل علينا هذه الميس تتراقص بشكل يعطيك إحساس إنها أتت إلينا لترينا إمكانيتها اللولبية دون مغزى من رقص وغناء وتقليد وإبتذال وأهانه لشعب إحتضن كل موهبه وتناسوا إننا لن نحتضن من يهينونا فى أولى حلقاتها تهكمت على شعب مصرى بإنهم لم يبتكروا أو يخترعوا سوى الكوتشى اللى بينور وتناست أن هذا الاعجاز المنير ليس مصرى لم تلتفت إلى ظاهره قله العمل وطموح البشر ولكنها تهكمت على خبر قياده المرأه للتاكسى المصرى ورصدتها بفكرتها أننا شعب متحرش يتخيل سائقه التاكسى كأنها هيفاء وهبى ولم تحترم ضيق الحال الذى يمر به البعض حتى المعلم لم يسلم من تهكماتها فأصبح المعلم فى نظريتها الساخره هو متحرش يتحرش بالمتعلمين والمعلمات وأمثالنا الشعبية نالت على قدر المستطاع من إهدار لفلكلور مصرى على حلقات البرنامج الذى لم أرى فيه حسنة واحده لبثه سوى أن تصيبنا حاله من الملل المركب و تفريغ أى أفكار جادة من محتواها وإستبدلها بالهيافات لخلق شعب غائب عن الحلول أتذكر حين إستضافت المحامى نبيه الوحش وتهكمت عليه بطريقه ملفتة تردد كلمات صعيديه لأن الرجل يتكلم بالصعيدى ولا أعلم كيف تجاوز لها عن ذلك 
كيف يهدر المال العام فى البرامج المستفزه 
نجد برنامج ضحكنى شكرا لا املك من الكلمات لوصفه إلا انه فنون الهيافه التى تغزو عالمنا وبرامج اخرى يصرف عليها ألاف الجنيهات دون ان تأتى بنتيجه إيجابيه معظم هذه البرامج مستوحاه من ستاند اب وهى برامج إسرائيلية المنبت  تناولناها بدون تجديد بدون تعريب ذكرنى هذا الحديث بمثل شعبى قديم "اللى معاه مال محيره يجيب حمام ويطيروا" بس الحمام ده بيعمل ع الشعب بيبى ومحدش بقى طايق البيبى اللى كتر 

وفية

وفية في زمن العقارب  

سذاجة قلبها لا ينقذها

مخلصه في زمن

لا يتكلم لغة صدقها

ويلي منها الذبذبات  

تغير وجهتها

تمحو تضاريس خارطتها

صديقه وما من صديق

ينبت على أشجار مدينتها

حبيبة والحبيب ولى لماضي

 لن يعود ليقص لها عشقه في قصه

جزء ثانى مواطنين دولة هبلستان

جزء ثاني

بصفتهم مواطنين من  دوله هبلستان يرفضون الضوابط التي وجدت في كل مكان لذلك عشقوا الحياة الهبلستانيه التي لا يوجد بها فلتره كلاميه سنتعرف كيف يعيش هؤلاء المواطنين في دولتهم الهبلستانيه  وما هي سياستهم وطريقه حياتهم اليومية وكيف يتعاملون مع المواقف الحياتية رافعون شعار الحرية الهبلستانيه

في دوله هبلستان كل شئ جايز وكل شئ مباح :القطاع الخاص أحيانا في المهين و اللى بياكل حق الناس وبيظلم و الزملاء  الشغل في هبلستان أخر هبلستانية : أسافين-خوازيق- بصوره مستمرة عارف أنه بيئذيك في رزقك بس مش بيستحي وبيستمر في طريقه  للأذية وسواق الميكروباز أي  الميكروباص: يرفع الأجرة أحيانا بصوره جبريه ولو مش عاجبك  متركبش و بياع الفاكهة :يحط الفاكهة البايظه مع الفاكهة السليمة بيسرق ويضحك على المواطنين شغل هبلستان بقى

وموظف الجمارك :أحيانا يحاسب على حسب هواه ولو مخدتش بالة المواطن الهبلستانى منه تلاقيه مد إيده جوه شنطتة وخد منها حاجه لنفسه .

يخرج من المطار لازم حتماً يدفع للي واقف على باب الخروج بالعافية

 مدارس هبلستان  الخاصة: تسرق في مصاريف الأولاد  وتضحك على الأهالي  بمصاريف رحلات وهما عارفين أن الأهل  مش ها يقدروا يقولوا لأولادهم لاء عشان ميحسوش إن في بينه وبين أصحابه فرق ،فحتى لو مكنش مع الأهل  مصاريف الرحلة هايعملوا  أي حاجه عشان يخلوا أولادهم  مبسوطين
ومن هنا بتبتدى الحياة في دولة هبلستان:مفيش مواطن يقدر يتكلم مع ممرضه أو دكتور في مستشفى حكومي لهبلستان  أوقات المريض وأهله بيتخانقوا مع الدكتور من غير لازمه كل واحد حسب وجهه نظره ويضطر الدكتور يجيب البوليس لأهل المريض وأوقات تتكلم مع الدكتور في عيادته 
الخاصة يرفع عيونه ويبص ليك ومايردوش وكأني محدش قدامه 
تلاقى البياع يحلف لك كتير أوى إن الحاجة طازه ومضمونه وأنت عارف انه كداب وأحيانا بيدي البياع الفلوس ويستنى منه الباقي لكنه يستهبل  ومابيفتكرش إلا بعد الضغط عليه وفي أوقات يرفع ثمن البضاعة اللى عنده بشكل إجباري لأنه جار لمحطة مترو أو في مكان زحمه وأنت باشا بتدفع ولكن بعدها بيسلط ربنا عليه (بتوع التموين) يأخدوا منه "الإتاوة" وإلا يعملوا له محضر ويدخلوه في دوامه، ووقتها مضطر يدفع لهم و تلاقى يشكي 
من الظلم وهو في الأساس حرامي ونصاب وييستغل الناس 
قسم الشرطة
تدخل قسم الشرطة لازم حتماً تدى اللى بيكتب لك المحضر 10 أو 20 جنيه إكرامية بعد أن يكتبه معظم القضايا الموجودة جوه المحاكم كيديه وشكاوى كدابة عشان أكل حقوق الغير واكل أموال الناس بالباطل وأحيانا مضايقة الجيران (عشان يتربوا ويعرفوا مقامهم الكلاب(المسئول عن تنفيذ الأحكام بيأخذ منك 200 جنيه -وأحيانا 500 جنيه حسب نوع القضية- عشان يمسك لك الحرامي أو من ضحك عليك وعليه حكم قضائي لصالحك 
وينفذ فيه الحكم، وبعدها يروح لبيت النصاب يأخد منه نفس المبلغ ويمكن أكثر ويسيبه يروح لحال سبيله، وتستمر اللعبة في دولة هبلستان  .
المعتاد خبر كل سنه وبيكون قبل شهر رمضان في حمله كبيره على السوق تم ضبط كام مليون صاروخ (من بتوع رمضان والعيد في أسواق  هبلستان  وغيرها مع الباعة الجائلين، وكأن الباعة الجائلين هم اللى قاموا باستيراد الصواريخ من الصين، هي بضاعة تمنها ملايين ولصالح كبار المستوردين، والبركة في رجال الجمارك داخل المواني، وكله في المواني يابا

تروح لهيئة المياه أو الكهرباء أو الحي في هبلستان : عشان المواطن يشوف مصلحتك لازماً عليك يا ولدى أن تمشي أمورك بدفع المعلوم واللي بياخد منك المعلوم يمكن يكون عارف أنك ماتملكش غيرة ولكنه مصر ومستميت على أخده مهندسي الحي : والمسئولين عن إصدار التراخيص أبطال قضايا عمارات طاقية الإخفاء، تتبنى العمارة 15 دور و في الأصل مصرح لها بارتفاع 10 طوابق بس ، ولكن السيد المهندس والسيد رئيس الحي والسادة العاملين في  هذا الشأن بيعملوا مش واخدين بالهم من بناء الخمس طوابق الزيادة، وبعد ما يتم بيع العمارة وبعد ما تدفع الناس دم قلبها في السكن تحصل المعجزة والاكتشاف والمفاجأة:إزالة الأدوار المخالفة خوفا على أرواح الناس! حتى مهندس الحي ضلالي، مش بيعمل برشوته الندل 

نيجى للمصالح الحكومية في هبلستان :في ناس -مقاطيع ومش موظفين جوه المصلحة- وظيفتهم تقصير الطريق للوصول إلى الموظف اللى فإيده تخليص مصالحك وبتتفسم الرشوة بينهم بعد متخلص المصلحة 
الحرفين هبلستان: تروح تدور على نجار أو سباك فيقول لك أتفضل وانا جاى وراك على طول وتتفضل تستنى 4 ساعات ويمكن ميجيش فالأخر ولو حضر مش هيعمل لك اللى عايزه بالضبط ومعظمهم بيسيب وراه حاجه بايظ - مش عشان مبيعرفش- بس  كسل منه واستخسار من أن يخلص شغله على أكمل وجه 
الميكانيكي : شغال  لحد الساعة 12 بليل ومفيش حد يقول له بتعمل إيه ، ويعمل في الشارع كأنه شارع أبوه والشرطة مبتتدخلش في الموضوع عشان بيصلحوا العربيات الخاصة بيهم عنده بلوشى وسلملى على هبلستان .
الجار في هبلستان : بيرمى الزبالة قدام بيت جارة  ولا فباله ان ممكن ده يضايق جارة  وفى بعض الناس مابيدفعوش للزبال 3 جنيهات
شهريا وبيوفروا على نفسهم ويقوموا برمى الزبالة قدام بيوت جيرانهم يوميا، ولكن بعد مظلمتهم هبلستان الحكومة وقامت بإضافة مصاريف الزبالة على فاتورة الكهرباء قاموا بالشكوى وقالوا حرام اللى بيحصل لنا وبعدها أصبح الزبال في بعض المناطق نادر الوجود لأن حكومة هبلستان بتأخد الفلوس وا مبتديش له شيء وصبحت البلد مزبلة ويتعجب الهبلستانين  ويقولوا إيه السبب! ليه الزبالة في كل مكان كده.
سواق تاكسي هبلستان:عايز يأخد أكثر من حقه لقى حل المشكلة يعمل تاكسي فيه عداد وعشان متحصلش مشاكل فكان الحل عند شياطين الهبلستانين بأنهم لعبوا في العداد عشان يجري بسرعة!
الجملة الشهيرة في شوارع هبلستان :كل سنه وأنت طيب يا بيه  ويا هانم  ويا عروسة وكأن فجأة أيام السنة كلها عيد مع الوقت نكتشف انه أسلوب جديد للتسول في هبلستان وخصوصا لما تحب تركن عربية وتلاقى حد طلعلك من تحت الأرض بيحاول يساعدك وأنت مش محتاج و ربنا مباركلك في مرايات العربية  الجميل لما تكون في تاكسي ومعدي على كوبري تلاقى واحد من الناس لابس افارول برتقالى وفى إيده عده الشغل ويقولك كل سنه وأنت طيب حتى وأنت في التاكسي وصلك فيرس كل سنه وأنت طيب .

دوله هبلستان ماليانه كتير حاجات و أمور غريبة هناخد لفه كل مره ونتعرف على طباعهم عادتهم أسلوب حياتهم ثقافتهم انتظرونا الأسبوع القادم وهنعرف كل مره حاجه من حاجات مواطنين دوله هبلستان