السبت، نوفمبر 13، 2010

زفووو برصاص الغدر


كان نفسه يبقى عريس  
واهله يفرحوا بى 
واهل البلد تبارك
والفرحه تملا القلب
زفووووه برصاص الغدر
وناسو على الكتاف شالوووو
اد اية يا دنيا فيكى ناس مظلومة
لية الغلابة حقوقهم فيكى  مهضومة
كان زى اى حد 
مقضيها على الأد 
صبح الزمان غريب 
رصاصة على الحدود 
تخلى العريس شهيد وااااااة يا بلد

عم عماره


حمل الدنيا معرى الضهر 
خلانا نطاطى فــ الأرض 
عم عماره باع الحماره 
فتح له بقالة 
تسند زيره فأخر الشهر 
بس الرزق جاى بطيئ 
صحى النجمة 
ومشى ع الريق 
و بدا يلف سيجارته الفرط