مات الجدع

 شاب ومات ساعة الغروب
سايب للبحر المركبة
 ميت بيضحك حاجه غريبة
 سايبلنا رسالة عجيبة
 في السطر ده  
رقص عصيانا ع الأهات
 شربنا ياما من زمن السكات
نزل دموعنا فى ثنيتين
 جمع خزين الوجع من سنين  
كوكتيل من الويل 
والنحيب والذكريات
 كتب رسالة من حروف الوجع
 مات الجدع أهين و أه
 وكأنه حرف ف دموعنا عاش
 وكأنه كان باب القدر
 لحظة أمل إضفرت بدمع البشر
 وقت الغروب جه ورحل  
يا هل ترى  
رحيلك بيطهرنا من الذنوب ..

ولا كأن الجدع في يوم مجاش

يا بلد

 يا بلد محميه بالحراميه

عمار يابلد  

فيكى تركيبه من الهليبه

 كبار وصغار

 مولد وداير ساير وحاير يا بلد 

ناس عايشين فجنه وناس مكويه فيكى بالنار  

مولد إتنصب أه يابلد

 كلامك كتير يا سريعه الغضب  

سريع إنتكاسك يا صريعه الغضب

 كام حد فاهم فيكى وكام حد سايق العبط ع العوج 

كبر قلبى

كبر قلبى وعرف يتعلم ازاى يفرق بين القلوب

دا قلب خاين

ودا قلب باين

مايعرف فى الحب غير كلمتين يا دوب

ودا قلب غاوى

يجمع غناوى يغنى بيها على دول ودول

ودا قلب تانى

عاملى راسى وهوا من جوا على الف لون

ودا قلب عاشق

اكمنو راشق فى كل قلب يعشلو يوم

وعرف قلبى قلوب تداوب وتدوب معاها فى الحب دوب

وعرفت ارسا على كل مرسى وفى كل مينا حكاوى تحكا

وانا قلب فاضى راضى وعادى يبكى النهاردة يضحكها بكرا