الأحد، أبريل 18، 2010

مصر مش هي الحكومة




مصر مش اللي بتسلم 
على إيدين اللي باعوا
و لا اللى بتوطى فصوت
الحق بعد إرتفاعه
 كام الف مصري 
ماتوا جوها
و براها 
ياما ضاعوا
 بلدي
مش هي الحكومه
ولا كل هربان و نايم
الطيب بالضروره 
يبان 
فيها بالظلم ظالم  
بلدي 
مش رقصه وغنوه  
ولاد بلدي
مش كسالى 
مرصوصين فوق القهاوى
 كام مليون قلب صابر فيهم 
 النفس محشورة بين الضوافر 
 فيها اللي عارف ولسه قادر 
 يلم الجرح 
و يضم على الدم
 اللى نازل
 ياليفاكر الدم هاين  
كل مصري مهوش خاين
 ولو على الديون 
هتعيش طول عمرك مداين  
والغضب لو كان مالينا
لجل خاطرك سهم راشق  
رشقته بـتدور علينا 
بالرقاب فوق المشانق  
لو تبان الخطوة عاجزة
راح تقوم لنا الف قومه 
مصر مش هي الحكومة

بتهجى الوجع مني



خيانة القلب

لحظة طيش

ننساها لجل ما نكمل

تتوب مرة على دمعي

ومن تاني نبدأ من الأول

أقرب مرة تبعدني

أبعد فجأة تقربني

بترفعني للسما السابعة

وترجع ع الأرض تنزلني

رهان ع قلب كان حيران

كسبت خسرت أيه يعني

بشوية كلام بيشتري

و بشوية كلام باعني

صدقت ف يوم إحساسه

وقلت ياحلم ياريت تكمل

طلع كدبة مش متشافة

وأنا اللي كنت هربانة
من سنين عمري

لاعشت اللي فات

ولا اللي جاي

من عمري

يارتني فضلت خوافة

يصبر الطيبين

قلب على

حلمه إتكسر

وحروف الكلمة
جرحتني

إتحرق دمي

ف الهوا و إتبخر

نفسي أترمي

على كتفه

بحلم يحايلني

يحس بوجع روحي

وأد أيه ظالمني

تعيش مخلص
تموت مغشوش

وتلف فالدنيا

ياما تشوف

الصادقين يدوب وشوش

إتعلموا يقروا الرتوش  

يا أهه علمت فيا  

إمتى تموتي على لساني