الاثنين، يونيو 21، 2010

بيان عاجل



لما عصايه الأمن تطلع مابخاف موتى  

وقت ميشخط فيا شرطى مبوطى صوتى

 لو حد داس ع شرفى مايرضنيش سكوتى  

لو حد أكل حقى بعرف أخد حقوقى  

ولو ساقوا الضرب فينا

 مبنسكت علشان قوتنا  

هانربى عيالنا ع حدوتتنا

 وبكرا هيعلى صوتى

 لا أنا صايع ولا جبان  

ولا مسكين وجعان

 ويقولو زى ما يقولوا  

شعب كوره و نسوان  

من طيبته ماطلعلوا سنان

 بيان لك وعاجل  

انا راجل  

وكل من ف بلدى راجل  

مش هانسى اللى مابيرحمش

 واروح اتفرجلى ع ماتش

 لاهيهمنى تلطيش  

ولا يهمنى بطش

 مبقاش فى حاجه اسمها خوف

 من جبروتكم احنا بنصحى  

وبكرا تشوف  

كله هايلعب عالمكشوف

 لسه يابلدى فيكى رجوله  

متكفيهاش حروف  

لسه فينا شهامه  

تلاقيها ف أى ظروف  

 مش هنطاطى

 وخافو طوفنا  

شباب البلد 

صفوف وصفوف 

لا بيهمنا عاطل  

ولا موقوف 

شرلوك هولمز


اتفرجت على فيلم شارلوك هولمز
اعجبنى جدا احب دائما الصناعه التى تمتع عقلى
 وتبهر عينى وتحترم ذاتى الفكريه حتى لو قصه خياليه
التمويل الامريكى اضاف الى الشخصية البريطانية لأشهر محقق خيالي فالعالم شرلوك هولمز مهارات روبرت داوني جونيور بطل الفيلم تجعلنا نعاود التصديق ان الشخصية حقيقية وليست خيالية ولها وجود في الواقع مع نظرة المخرج للمشهد نخرج من عالم الكتاب الى عالم مبهر واختيار غاي ريتشي لروبرت داوني اضاف شفرة تلتصق بالذهن من خلال 128 دقيقة متعة فى الاداء والتصوير والاخراج والكتابة تحولك من عالمك الحقيقى الى عالم ممتعة المشاهدة

ألبوم حكايات


ابقى لف الدنيا بطولها وعرضها
 واسأل على الحبايب فى ارضها
اللى صانوا ملحهم ويا عشرتهم
ليه دايما يبقا فيهم حد خان
 والله يا قلوب متجرحة 
من الزمان 
ارموا التكال على الله
 وانسوا اللى كان  
واللى يشتريك النهاردة 
 بكرا يبيعك للايام
************

مابجبش سيرتك
 بيني وبين نفسى  
انا م الاول عودت قلبي
 الغدار مانفكرش فىه
 واللى يخونا فى يوم
 فى نفس اليوم
 نقسى عليه  
غلطاتك كتير 
 وحججك ما بيتعدوا  
روح مش فارق معايا  
وجودك من عدم
************


لو هنخاف من الاحلام
 ايه فى الدنيا بيطمن
 غمض عنيك
 واحلم كمان  
وعيش الدنيا من الاول 
 اضحك بعلو الصوت  
الجراح بكره  
من فرحنا هاتموت
***********

من تكونى يا خطيئه الاقدار
 من تكونى أأنتى منزله الامطار
 أأنتى خارقه الدنا
 ام من يجعل الليل نهار
 هشه كاناء فخار
 يحسبها من يراها ملاكا
 وهى شيطانه من نار
 احببتها واحببتها 
 وادركت ف نهايه 
 اننى اسات الاحتيار 
************

على كل لون ووش
 الناس فيكى بتغش  
حالك مايعجبيش  
اوقات مايهمنيش
 يا دنيا وانا اللى فيكى بعيش
 كاتم فى قلبى والصبر فاض بيا  
على كل موال غنيت 
 طوحت همى فى الهوا 
 سيرت  ولا الدرويش
**************

يامصرى قوم قول كلمتك
 متخفش يوم من شكوتك  
احكى على اللى شفته فى دنيتك
 الكلمة مش هاتموتك
 اقفل كل بيبان الخضوع  
والنور مسيرة يوم
 نفتحلوا باب للرجوع  
شبابنا شاب وعمرنا ولا الف عام 
 وحيد وتاية فى الزحام 
 مابنخفش لكن قلبنا ماليان كلام 
******************

على مسرح الحياة  
كله بيلعب الماريونت
 الدنيا بحالها مولد 
 كله على بعض بيلف
 بيترقص على الحبال  
ويلبس الف وش  
و بلياتشو بالف لون  
بيدوس ع اللى فقلبة
 بيضحى بكل حاجة 
 عشان لحظة سعادة  
على مسرح الحياة كلة 
 على بعض بيلف
***********

كتير ناس شافت دموع  
وكتير عيون شبعت بكا
لاالدموع جابت لنا المستحيل
 ولا الشكوى يوم كانت البديل
 لو عشنا نشكي  
او نحكي 
عمر الجراح ما فيوم تتلم  
اضحك ولا تشيل للناس  
ولا للدنيا هم  
وارمى حمولك على الله
 ولا تقول يارب عندى هم
 قول ياهم
 انا عندى رب كبير
 واضحك كدا  
وانسى دا الحال بيتغير ف ثانية 
 ربك دايما عنده الخير
*************

وتتوب بقى دا
 صوت التوبة حر  
وقول لى انت ايه
 زرع اخضر ف الغيطان
 جواك ملاك ولا شيطان  
جواك اسد وانطلق
 على دنيا الديابة  
ولا جواك فار
  مزعور جبان  
ياللى كبرك كبر وغرك
 اوعى تفتكر 
 ان بحرك مالوش بر 
لساك بنى ادم 
 قادر الزمان يذلك 
 وقادر يخليك حر
************

مشفتش منك حاجة
 تخلينى اصبر و لا اكمل
 خلاص ما خلاص ياحبيبى
 مابقتش حبيبى
 شوف حد تانى غيري  
يتعب ويكمل
 لا عاجبك حب  
ولا مدادية
 ولا حتى بتيجى بالحنيية  
ولو شفتك زعلان متعكر
 أجى اراضيك تكشر
 واقول حبيبى وماله 
على قلبى زى السكر
 دايما عصبى ومضايق
 ومع غيري على طول رايق

****************

لية بشوفك فى احلامى
 انا صاحى وانا نايم
 بتيجى و تكلمنى
وسعات بتعاتبنى  
حتى وانت بعيد  
مين يقول البعد خدنا
و احنا قال افترقنا
 مين يصدق انى
انا لسه مستنيك
 مش باجى على بالك
 ولا اسمى بيجى على لسانك
 مش معقول انا بس حاسس بيك
********************

بكلمة إتشقت جدران السكوت
 بكلمة طلع يونس من بطن الحوت
بكلمة نعيش الحياة بكرامة
 بكلمة نقتل الطغيان والجبروت
 بكلمة من فوق الشفايف  
او على الحيطان
 يطلعلنا صوت
*****************

احب انا الناس الطيبة
 احب قلوب ترضى بالرضا
 و احب اكون 
عاشق للكون
 وسمايا فيها عقد نجوم
واحب الضحكة اللى تنور
على وش كبير ولا صغير
 واحب الصُحبة اللى تحلي
 مرارة الايام وتخلى
 شجر الحبايب طارح فى ضلى
******************

فلاح وهاجر أرضه
 اتغرب
شاف الفلوس
قلبه  اتشد واتكهرب
 مهما يلف ويدور
 طبع الغشم جواه
 ومهما يكنز فى مال ..
 برضها للعفن أقرب
*************

لما الغلابة فيكي مايلاقوش القوت
 لما الحكومه تسوق الشعب بالنبوت
 يبقى السكوت عالموت
حياخدنا لحاره سد
 لما الأمان يتقتل
 ودمه فينا يسيح
 لما الولد ينجلد
 يصبح يا بلدي كسيح
 لما الشهامه والرجوله
 والنخوه تموت 
 يبقى عليه العوض
 فى لحظة التفاريح
*************

جيت ادور على الكلام مالقتش -

لقيت ناس بتقول كلام مايتفهمش-

قلت حد يدلني قالوا مفيش-

 لما يأست سيبت . . .

3  نقط تنفيس

*************

مين ده الي يقدر يوصفك  
يا احلي من نور القمر
 حتي الملايكه تعرفك
 ان انتي مش زي البشر
ا لمعجبين بيقولوا عنك
 انك خطفتي قلبهم  
والحلويين بيغيروا منك  
ويحكوا عنك مع بعضهم  
قالوا عن قلبك كبير
  قالوا بيحب بضمير
 لا عمره يعرف يجرح حد .
ا لصغير قبل الكبير كل ده غير ضحكتك .
 ضحكه بريئه في رقتك 
 ضحكه تغير شكل الحياه .
 خديني عندك في جنتك
**************

قالوا القوي بيقوى قوي 
 عشان معندوش شئ يخسروا
قلع هم العمر زي
 ماخلع بدلة النهار
علق خوفه عالمشانق  
عشان مفيش شئ يكسروا
 قال الرسم زى الكتابة
 وسيلة بتضعف أي حيلة 
 وانا على الدنيا قويت 
 وعندى ليها حيل كتيرة
****************

يدوب لسة بنتعرف على بعض
 ماتفهمنيش ان إحنا
خلاص حبينا بعض  
ماتعشمنيش بكلام  
لسة مالهوش اساس  
وترجع تجرح قلبى  
وتقول ماننفعش لبعض  
سؤال لو سمحت 
 اية هايكون احساسى فى البعد 
 لو لو انجرحت
************

فى امان الله الله يعينك
 ابعد وانسانى
 نستنى الضحكة فى ايامى
 فرحت لما سمعت
 كلمة انسانى  
فى امان الله  
ارتاح وريحنى
 قلبك ياما جرحنى
 والبعد قوانى - 
 انا من بعدك بتغير
 وبقيت انسان تانى 
 فى امان الله 
 ابعد وانسانى
************

بكره الوقت يعدي  
راح تنسى كل اللى فات -
 ونبقى انا وانتى صورة  
فالبوم ذكريات -
ماتنسيش انا وانتى كنا اعز الحبايب -
 وافتكرلى حاجة حلوة وانا بعيد عنك وغايب-
ماتخليش عنيكى تدمع  
انا عايز امشى مش ارجع -
وخليكى اقوى من كل الحاجات
 ولو احتجتى شئ نادى عليا  
عمرى ما أتأخرعن حبيب عنيا - 
وافتكرلى حاجة حلوة 
 وانا بعيد عنك وغايب
************



عام على أوباما في مصر


شارك
منشور فى صحيفه الازمه الإلكترونيه

مر عام على خطاب الرئيس باراك أوباما 4- يونيو في جامعه القاهرة للأمة الإسلامية.. من أول الخطاب ظن البعض بما أننا أمة جريحة أنه المخلص وحتى في نهايته اتخذ دور الواعظ لأمة لها حضارة.
وإختير منبره صرح علمي كجامعة القاهرة فرقصنا على إيقاع كلمات خطبته وتذكرت قول نزار قباني "يسمعني حين يراقصني كلمات ليست كالكلمات" فالسياسية الأمريكية لا تعرف غير طريق واحد ولكن الرؤساء هم الذين يتغيرون ويختلف معهم أسلوب التنفيذ.
تعاظمت الآمال وظلت الأحلام معلقة على أرض الواقع وحان لنا أن نعرف أنه تم تحقيق الهدف للأمة الإسلامية من حيث التغير اللفظي فقط زادت القوات الأمريكية في أفغانستان، وكذلك مازال الموقف الأمريكي تجاه البرنامج النووي الإيراني علي ما هو عليه أيام بوش.
فهل أطفئت النار في العراق الغارق في مستنقع من الإشتعالات التي هي نتاج أمريكي بامتياز، وعن حديثه عن التطرف العنيف فهو حديث ذو شجون حرك بداخلنا جروحا عميقة وذكريات مؤلمة.. ولكنه خاض فيه وأقام الحجة علينا بآيات من القرآن الكريم فليكن. 
كانت حجته وحجة من سبقوه في حربهم ضد الإرهاب هو 11 سبتمبر وكأن العنف الذي مارسته أمريكا ضد العالم كله لم يبدأ إلا من هذا التاريخ.
منذ اللحظة التي بدأ الحديث عن فلسطين في خطابه نجد إنه تراجع عن إدانة الاستيطان في الأراضي الفلسطينية ولعب بورقه الضغط على الدول العربية وقبول التفاوض الغير مباشر لم يسميها أسمها الصحيح سميت الوضع بين الإسرائيليين والفلسطينيين والعالم العربي.. ولو أنه نظر إلى خرائط العالم منذ زمن بعيد لوجد فلسطين جزءا ثابتا منها ولكن إسرائيل لم تظهر على الخرائط إلا منذ أكثر من ستين عاما.
وقال أيضا في خطابه أننا لا نستطيع أن نفرض السلام- وقال أيضا في تصريح لاحق في ألمانيا أن على الفلسطينيين والإسرائيليين تقديم تنازلات مؤلمة تنازل من قبل إسرائيل هو تنازل عن بعض أطماعها في أراضي الضفة الغربية ويعني التنازل من قبل الفلسطينيين هو التنازل عن بعض طموحاتهم في قيام الدولة الفلسطينية.
هناك حدث يدفعني للتساؤل هل كان زمن الخطبة وليد الصدفة أم إن الاختيار تم بعناية لإرسال رسالة لأطراف الصراع العربي الإسرائيلي دعونا نتذكر هذا التاريخ انه عشية ذكرى نكسة الخامس من يونيو لعام 1967 عندما انتصر الإسرائيليون في حرب الخامس من يونيو على جيوش عربية وأصبح انتصارا ساحقا باتوا يظنون بان التاريخ قد توقف عند هذا الحد.
لو تطلعنا لخطابه وما ورد فيه من إيجابيات لفتح علاقة وأسلوب حوار وتعامل جديد مع العالم الإسلامي وأيضا ما ورد فيه من توازن خطابي لمصلحة إسرائيل نجد أن الرجل لديه شيء سيقدمه ، ولكن إيماني الكبير كمواطنه عربيه يدفعني للقول أن الرئيس أوباما لن يقدم لنا حلول السحرية لقضاينا العربية على طبق من فضة بعد هذا الخطاب بدون جهد عربي من أجل مواجهة التعنت الإسرائيلي المدعوم بضعف الموقف العربي بسبب غياب تأثير قوة العرب السياسية والاقتصادية والغير موظفة في العلاقات الدولية ولذلك ألقى الرئيس الأميركي الكرة في المرمى العربي وأدى الرسالة التي أراد قولها للأمة العربية والإسلامية من خلال نقاط متعددة ذكرها في خطابه وعلى العرب إستيعاب الرسالة والأخذ بتقوية وتوحيد الخطاب العربي من منطلق سياسي واقتصادي يوظف المصالح المشتركة والمتبادلة لكي يكون الخطاب العربي مؤثرا في مواقف الأطراف الأخرى .
يا رجل السلام هل هتكت الجدران التي تسجن فيها حمامه السلام في سماء "أفغانستان هل أصلحت الخطأ الذي قام على منهج منح من لا يملك هل غسلت عار وعد بلفور وعملت على وعد جديد يمنح الفلسطينيين وطنا وليس شيء من أوطان الآخرين.
إن خطاب باراك حسين أوباما كان مجرد كلمات عاطفية داعب بها الشعوب العربية واستطاع بالكلمات الحصول على جائزة نوبل للسلام