الاثنين، يونيو 07، 2010

أصرخ

أصرخ
لو ف صراخك كبرياء 

وكرامتك ضاعت فالمسميات 
حب وحنين و مصطلحاتأصرخ
لو الحزن نسج خيوط حوالين قلبك 
وخنق بقايا الفرح فيك 
وبقى همك فحزنكأصرخ
لو لهفتك لشوقهم ليك 
صنعت خيال من غباءأصرخ
ولا تبقى أراجوز ف زفه
والكل يضحكأصرخ
لو الطريق والأرض والجدران 
حسوا بيك وهما ولا دراينينأصرخ
لوعلموك تكون مش أنت 
تقبل وتتهجى حروف غلطهم
والغلط صبح حق 
ولا حد عارف 
يقول لمين لاءأصرخ
لو حسيت فحبك ليهم بتلوث 
و أنت مش أنت وبتهلوس
أصرخ
بترقص ع النار عشان تبهرهم 

تغدر وتخون وتقلد أفكارهمأصرخ
لوحسيت بحاجات بتموت فيك
والورد المقطوف بيدبل فيك
 أصرخ

لوإبتديت تشوف
الحلم سراب 
من أول الطريقأصرخ
لو لمحت دموعك ف مرايتك 
والمخده أحن كف ليك
أصرخ
لوسمُهم بدأ يسري فعروق قلبك

وخنجر الغدر هايترشق فيكأصرخ
لو إبتدى حد فيهم يتعلم يذل
و ينكر الجميل
وينط فوق قبر أحلامكأصرخ
لو إبتدوا يرموا التهم عليك 
ويلبسوك فروة الديب 
ويقتلوا حلم البرائة فيكأصرخ
لوصوتك المرعوش 
ما عبرش عنك 
ومكتوم فيك
والسكوت الي جواك

بصبر مصطنع منقوشأصرخ
لو بدأوا يسيئوا الظن بيك
وينسوا تاريخك 

ويموتوا الاحساس فيك
ويطفوا مصابيحك
أصرخ

لو بتشيل فوق طاقتك
والكل بيجرح فيك
أصرخ

أصرخ
أصرخ
أصرخ
من ناس مابتعرفش الإحساس
هوايتها تقتل كل جميل فـ الناس
نسيوا معنى الإنسان
نسيوا رحمة زمان
كل طريق له مخرج
و مهرب لكن اللي زيك 

و زي محتاج
.
.يصرخ