الثلاثاء، نوفمبر 16، 2010

دامــت لـميـن


عمرها ما دامت لغيره
تجرى فـ الدنيا شمال يمين
أخرتك له مش لغيره
مهما تكبر
و تظلم
و تتجبر
و تتعظم
أسمك من الأخر 
من البنى أدمين
دامت لمين 
دامت لمين
ناس بتروح وناس تيجى 
و ظالم يفضل على حاله 
ناسى إنه بإيده 
يتوب عن ذنب افعاله
دامت لمين
دامت لمين
يا ناسى إن الزمن داير
بتدور الدايرة ع الأسياد
كتب الزمن على الحجاير
أسمك على كوم تراب 
دامت لمين
دامت لمين
يالى غرك قوى كبرك
مسير الزمن يعاتبك
خدها عبرة من اللى قبلك
قبل ما تغرق مراكبك
رحمة مسيرها ع الأرواح تفوت
و أرواح من عذاب غيرها تموت
دامت لمين من البنى ادمين
لا شماته هى عبرة و إلتفاته
خدها عظة من اللى فايتين

الدنيا ما تسوى يالى عايشين

موت كمال الشاذلي... رمز لغروب عصر الحرس القديم 
تربية عساكر الخمسينات وشروق عصر اللصوص الجدد معدمى المبادئ تماما