قام الشعب و ثار
لما واحد جه وقال
مبارك هايقدم إعتذار
إتحرق دم الثوار
طب الفلوس
تمن الدم اللي سال
ع البنادق و الدروع ؟
طب و الكلام
اللي ع قناة العربية
إتقال ؟
لسه فيك نفس
تكمل خداع للنفوس
هتعتذر لشعب كان
بيصحى و ينام
و يمشي محني
من الخضوع
هتعتذر عن
فنون تعليم الجهالة
و لا عن شاب إتحرق
و التاني انتحر
من سوء المعيشة
و الحالة
و لا عن بدن إتسمم
من تقاوي سرطان الزراعة
ولا عن دم فاسد
جري في عروق الغلابة
و لا عن ضحايا
قطر الصعيد
و لا عن الإعتقالات
و تطبيق قانون الغابة
و لا عن مستشفيات الحكومة
و الإستهتار بالمريض
ولا عن إنجازات العادلي
مع القديسين في ليلة العيد
ولا عن تعذيب و مقتل
سيد بلال و خالد سعيد
و لا عن صناعتك
لأجيال جهالة
و لأجيال بطالة
ولأجيال ركوع
هو ممكن يتقبل من يهوذا
إعتذار عن خيانته ليسوع
