الخميس، يونيو 06، 2013

نزلت دمعتي




نزلت دمعتي 
على نزلة دمعته
أنا حاسس بيك يا صاحبي
لما حد يوحشك 

و مدفون فـ تربته
اصل الموت دا بيسرق اعز ناس لينا
و يسيبنا في فرقة صعبة
الشوق فيها كاوينا
تشتاق لحضنه ليك
تمد ايدك لي
صوته يرن في ودنك
عينك تدور عليه
تلاقي السراب حواليك
تصرخ روحك منك
محتاجك مش لاقيك
وتنزل على الخد تفوت 
دمعة ملهاش صوت
لا حد بِها حس 
ولا في يوم كان لِهاحس
و بكف ايدك تمسح أشواقك حزينة
بنطبطب ونطيب على روحنا بإيدينا
وأهي الأيام بتفوت