الأربعاء، سبتمبر 29، 2010

شئ مختلف



جوايا شايل غرام
يرقص على لحن ومقام
صاحى على نبض الرحيل
بايس جبين المستحيل
بصرخ بأعلى صوت 
ويا البشر

أه و أه 
يا سخرية موت من حياه
جن جنونى و إشتهى
سفينة ترحل  لمجدها
قلوبنا صفصافة دموع
وفى لحظة نسمة تهزها
فين نظرتك بحلم الرجوع
يرجع ألف بسمه لحلمها
هتشوفوا في عيونا إختلاف
علشان بنحبها
ولا كل من قال بحب
أنا جاى من عصر الأماني
عشان أنا بعشقك
انا بختلف
انا بعصر الليل والقمر
علشان احضر امنيه
انا بحضن الزهر بمطر
عشان اكونلك اغنية
مش زي من قالك وعاد 
انه معاكي الي للأبد 
شئ مختلف..
انا جاي اقولك انا الأبد
مش بس اعيش لك للأبد
نظرة عيون وانا المدي
وجمال وصوته انا الصدي
مش زي من قال أوعدى
اوعي في يوم  تبعدي
شئ مختلف
انا جاي اقول متقربيش
سيبي المسافة ما بينا حلم
علشان نعيش نحلم كتير
اعبر ما بينها بلاد واطير
لحد هي ما تبقي علم
مش زي من قال اشهدى
اني في عشقك فيلسوف
بلقاكى في الاحلام واشوف
اني ما بين صدفة وقدر
شئ مختلف
انا حبي ليكي فلسفة
للحق والخير والجمال
سابقة بنور معني الكمال
او ابتسامة معجزة
بتقول خلاص مش معجزة
بقيت حقيقة في حبكم
وبقيت نوارس شطكم
لو اعشقك
شوفي فيا عاشق مختلف
شوفي فيا مجنون مختلف
انا بعشقك
استسلمي
م الحب ده اتعلمي
ان الهروب من سجنه سجن
ما انا ف أرضك دي ف سجن
من لحظة توهى من الحياة
بصي بعيونك لنا
علشان اعود
واشرب ملامحك وأسكرك
شوفيني عاشق مختلف
دا انا بعشقك