الخميس، سبتمبر 23، 2010

بيسأل - جيت


بيسأل لية أنا اتغيرت 
ويقول قال حيران واحترت
أسال نفسك خليك مكانى 
هتعرف لية انا اتغيرت
طولت بالى عليك كتير 
والصبر كان مالوش مكان 
عندى كبير
فيها بتوصف وتتواصف 
ولا حاسس ولا شايف
بنار غيرتى عليك من غيرى      
صبرنى مرة الحب عليك 
وصبرت انا الصبر علية 
ونسى ونسينا وقلنا سماح
ومسير الليل يجيلة صباح
أسئل علية مابيسئلش
أندة علية مابيسمعش
وتعدى ليلة ورا ليلة
اجى اعاتبة يقول مازعلش

     **************


جيت على نفسى
داريت ملامحى 
وطلبت يصارحنى 
وعرفت إنة 
كان مع غيرى
إيديه لمست إيديها 
عنية سرحت ف عنيها
والرغبة صابت شفايفة 
وإبتدى يحكى
نسى قلبى 
نسى حبى 
غرة فيا الرضا والصبر
إفتكرنى ملاك 
مش انسان ليا حدود فالصبر 
إفتكرنى ليلة ربنا وهبهالة
إفتكرنى ليلة قدر
بقيت أدارى الدموع ف عنيا 
غلبتنى دموع وقدرت عليا
خفت أقول الاه وهو قدامى
تخرج بنارها توجعة قدامى
داريت وشى
كتمت الاه جوايا