الخميس، فبراير 11، 2010

استوب انا مش مزة


من فترة وأنا تؤرقنى كلمة مزة حين اسمعها فى اى مكان كلمة 

"مزة" ف العامية المصرية معظم البنات فاكرين

معناها بنوته حلوة ولدى شعور خفى

 انها ليست بإطراء لطيف للبنت ويتداخل فيها معنى خبيث

عند البحث عن اصلها واخذ الأراء والنقاش مع الشباب

 والبحث ورائها وجدت ما يستفذ ويجعلنا نقوم بعمل حملة

ضد هذا المصطلح حتى لا نشعر اننا مجرد مزز فى سوق نخاسة

 الافكار

وتوصلتا للأتى :

لما يقولو " البنت دي مزة" - يبقي بنقول إنها مثيرة الكلمة دي

 معناها مش كويس وبتدل على نظرة دونية تحقيرية

للمرأة و لغتنا دلوقتي بتعكس وجهة نظر المجتمع المصري للمرأة

 تعبير عن كل المشاعر السلبية وعدم الإحترام

ف دماغ الرجالة في تعاملهم مع الستات يعني ايه الكلام ده؟

يعني لما نسمع اللغة اللي الناس بتستخدمها ف الشوارع اليومين

 دول، هنلاحظ إنها خليط من طبقات، وثقافات،

وخلفيات ولغات كتيرة، مفيش بينها أي حاجة مشتركة اللغة العامية

 المصرية دخل عليها كلمات واتغير فيها معنى

كلمات ومعدش فيه علاقة بتربط لا بين الطبقة واللغة اللي بتتكلم

 بيها فى قالب الفوضي اللغوية دي تطلعلنا كلمة

"مزة" موديل ألفين وتدي تعريف واضح


للعلاقة بين الرجل والمرأة حاليا, بتوضح إزاي النهاردة المجتمع 

الذكوري بيفكر ف المرأة كلمة ست أو بنت إستبدلت

تماما بكلمة مزة.. أي بنت = مزة إنها بتصنف كنوع من تحرش لفظي

 في مواقف معينة الكلمة دلوقتي بقى ليها

معني جنسي صريح وبتستخدم كإطراء غير مهذب

مــــثــــال: بتكون للإشارة لبنت على علاقة بشاب معروف للي

 بيتكلم, زي مثلا "دي فلانة دي المزة بتاعة فلان"

يعني الجو بتاعه لان دي بتكون طريقة لتوضيح إن العلاقة مش جادة.

 الولد انهاردة بيقولها كاعلان إنه مش مهتم

بالمزة دي (صاحبته). وبتعتبر دعوة غير مباشرة لأصحابه إنهم يقدروا

 يصاحبوها بعد ما هو يزهق منها، وضوء أخضر

للأصحاب اللي عايزين يتريقوا عليها أو يقولوا أي كلام مش لطيف

 عنها قدام صاحبها أي حاجة بيفرضها المجتمع

الذكوري يروج لها بأتباع ممسوحين الشخصية ماشيين عليها بشكل

 اوتوماتيكي وهما مغمضين. بالظبط اللي

حصل للبنات ف مصر, اللي إعتبروا الكلمة جزء من ثقافة مجتمعهم

 الذكوري المقدس!! 

شوفتوا الخيبة؟

مزة" وبكل تأكيد كلمة ضد المرأة.. كلمة بتهدف إلي إزلال المرأة

 وتحقيرها وتدمير معنويتها.. كلمة غرضها وضع

المرأة في مكانة وضيعة وتحويلها لمجرد جسم..

 أجساد.. قطع لحم

 مرغوبة من الجنس الأخر لكنها في نفس

الوقت محتقرة ومهانة.

لازم تكون مزة عشان تعجب الرجالة،

 ف نفس الوقت بتتهان لكونها مزة.. فبيتم تحقيرها مرتين: مرة باختزالها في

جسم سكسي مثير، مرة بوضعها كهدف للتعدي اللفظي,

 كمصدر للعار والفضيحة.. المرأة بقت مجرد كيان

مادي, جسد.. واختزال المرأة في الجسد مش اختيارها,

دا وضع فرضته عليها ثقافة المجتمع

المجتمع بيقول للبنت من صغرها انتي كل قيمتك انك

 تعجبي

 الرجالة عشان واحد يتجوزك.. انتي مجرد حتة لحمة,

فاللي هيعجب بيكي هيعجب بشكلك مش بحاجة تانية..

 مفيش حاجة اسمها راجل ينجذب لست عشان عقلها ولا

شخصيتها ولا انجازاتها, دي كلها حاجات تكميلية.. الست هي جسم

 مجرد وسيلة لامتاع الرجالة انتي مالكيش

وجود ككيان أو كروح أو كعقل.. انتي مزة وبس

كل البنات مدركين إن الكلمة دي غير لائقة البنات ف مصر

 بيستخدموها زي البغبغانات بالظبط. وبيستخدموها

عشان يجاملوا بعض.. يعني عادي تلاقي واحدة بتقول لصاحبتها

 "ايه الحلاوة دي يا مزة؟"

 بدل ما تقولها انتي جميلة

أو شكلك حلو انهاردة نداء الى كل مزة مصرية بتقرا الكلام دا،

دفن راسك ف الرمل بيزود ضعفك

بيقلل إحترامك، بيخليكي تابع ضعيف،

 بيزود خجلك. إنتي مش مجرد جسد.

إنتي مش حتة لحمة طرية أو لعبة

لمتعة الرجالة..

لو فضلتي مش مصدقة الكلام ده,

 يبقي مش هتفهمي إنك تستحقي معاملة أفضل,

 معاملة

تحترم آدميتك وشعورك

.. هتفضلي تستسلمي للإهانات

 والإنتهاكات اللي بتحصل هتفضلي 

مش مستعدة تقفي

وتدافعي عن نفسك وكرامتك ..

 مش هتقدري قيمة عقلك وشخصيتك ..

هتفضلي ماشية ورا الي مضطهدينك ..

وعمر ما هيبقي عندك الشجاعة عشان تقولي ﻷ

طول ما بتقبلي انك تكوني مزة .. عمرك ما هتكوني إنسانة

نداء لكل المزز

 نحن نستحق معاملة أفضل,

 تحترم آدميتنا وشعورنا 

معا ضد هذا المصطلح

معا ضد

 منع انتشار مصطلح مزة

 لاهانتة للمرأة ورفع رايةانا مش مزة