الاثنين، أبريل 05، 2010

مفيش اى مانع




بنولنا المصانع  

وباعوا مصانع

مفيش اى مانع

كفايه علينا  

ماليين عينينا  

بزبالة الشوارع

وهندفع ضرايب

 لمين ولا مين  

وطول السنين

 منمش إلا وإحنا مديونين  

حلاوه عبورنا

حكومه و سايقه

 كرباج ورانا

 بتاكل فطارنا

 وغدانا وعشانا  

ومشاط فلايات

 وصينى وعرايس

 وكمان ساعات 

 يحلاوه العروبه  

فرشنا ونمنا 

 فى الوهم سنين  

عايشين بنهتف  

نقاطع نعتصم  

ياشعب ماشي  

بالهم مبتسم


عالم طراطير طراطير






عالم طراطير طراطير
فى حاجات فالهوا بتطير
والسر فقلب البير
ولو يوم راح تمشى وراهم
ترجع وتقول يامجير
عالم طراطير طراطير
طراطير سارقه فمالنا
ولا بيحنوا لحالنا
وياما وياما جرلنا
عالم طراطير طراطير
طراطير طلعه ونازله
ولما بتحصل ازمه
على طول مسنوده خطاهم
عالم طراطير طراطير
طراطير زى الحربايه
بتتلون بالخفايه
الوان طيفهم عمانا
تصرخ ونقول يامجير
طراطير طراطير مالهاش عازه
تلاقيها منحازه
وعقولهم فى اجازه
عالم طراطير طراطير
طراطير ماشين وراهم
لزوق كده فى قفاهم
وبنتمنى رضاهم
ربك ستار ومجير
وعلى كل الخلق كبير 
عالم طراطير طراطير