برا الوطن تايهين
جوه الوطن إحنا فين
طلعنا فوق
نزلنا تحت
ندور عليه
لقيناه بس اسم ع الخريطه
يعنى إيه أمشى مغمض
جنب سور ولاحيطه
قلبى الصغير هج منه الأمان
فــ قلب الزحمه والزيطه
إحنا مين
إحنا فين
هو إحنا ليه بقينا كده
هو إحنا الصبح ولا الدنيا ليل
ليه خدوا منا الوفا
والدفا
حتى الأرغفه
مين الى قاعد
مين اللى صاحى
مين اللى نايم
يعنى ايه لمسه وطن
يعنى ايه طعم الدفا
وإزاى ألاقى البروده
فحضن أمى فالشتا
حتى أخويا
اللى كان همه فى همى
إبن أبويا وإبن أمى
كله همه إنه يفارقنى
وإنعدم عنده الوفا
هو إحنا ليه بقينا كده
ليست هناك تعليقات:
إرسال تعليق