مصر مش اللي بتسلم
على ايدين اللى باعوا
و لا اللى بتوطى فصوت
الحق بعد ارتفاعة
كام الف مصري
ماتوا جوها
و براها ياما ضاعوا
بلدى
مش هى الحكومه
ولا كل هربان ونايم
الطيب بالضروره يبان فيها
بالظلم ظالم
بلدى مش
رقصه وغنوه
ولاد بلدى مش كسالى
مرصوصين عالقهاوى
كام مليون قلب صابر فيهم
النفس محشوره بين الضوافر
فيها اللى عارف ولسه قادر
يلم الجرح
ويضم على الدم
اللى نازل
يالى فاكر الدم هاين
كل مصرى مهوش خاين
ولو على الديون هتعيش
طول عمرك مداين
والغضب لو كان مالينا
لجل خاطرك سهم راشق
رشقته بـتدور علينا
بالرقاب فوق المشانق
لو تبان الخطوه عاجزه
راح تقوم لنا ألف
قومه مصر
مش هى الحكومه
ليست هناك تعليقات:
إرسال تعليق