ناس بالشر معجونه
وبفتنه الحرب مجنونه
ولا بتندم
صراخنا تاه ف الزحمه
وصور أاخبارنا شايله غضب ملامحنا
ومين يرحم-
يوم بعد يوم ارواح كتير ماتت
وبلد ورا بلد بتتاخد
ونتفرج على الخيبه
ونبكى ونضحك ونتساهل
ولاشوفنا فيوم وقفه
ولاعرفنا فيوم راجل
ضاع وطنى وراح بيتى
وولدى ع الأرض متمدد
رافع إيديه للواحد وموحد
وبنصرخ من العتمه
على عيون حكمنا
وأنت يارب اللى شاهد
أنا و أنتم واقعين فى الفخ
وعيون شاهده ع اللى ايدهم بالدم بتتلطخ
ومليون عربى و مليون أخ
ضايعين ف التوهه
بنموت والدمع ف عنينا
قدر ولا إتحكم علينا
بنعيش نحلم ويدوب نصحى
على غنوه حلم متكسر
ولسه مش عايزين نفهم ولا نغير
بنشجب ونعترض ونتخانق
ونتجمع ونتفارق
و إخوات قدام العالم بتتخانق
وده يسرق
وده ينهب
وده يهرب
بيحاولو ينسونا فلسطين
والقضيه إسمها غزه
وغزه تنسينى النيل
والقدس لسه بيدنس
وصـــــــمـــــــت رهيب
من الأمـــــــه
يا أمـــــــه عاله على الهمه
يــــــا نــــــــاس تفرس
كلام فاضى لا بيهش ولا بينش
فى عدو عنيد لا بيخاف منه ولا بيكش
يا وشوش بارده
فين قوتنا
فين عروبتنا
فين محبتنا
إتبدلت بوشوش بارده
بندارى فيها كسفتنا
ده يضرب
و ده ينصب
و ده يهرب
وعلى مين يا ناس راح نعتب
سمعنى نشيد الوحده
والرجاله المجدع
وقت الشدايد عمر النفوس ما بتخدع
ميت خساره يــــــــــا ميت خساره
يا أمـــــــــــــه رمت ولادها لإيدين الظلم بحقاره
اه يا زمن اه يا زمن اه يا أمـــــــــــــه غداره
ليست هناك تعليقات:
إرسال تعليق