توب البراءة

لايق عليك توب البراءة

لايق عليك توب الخداع

خدعتنى بإسم الصداقة

وهجرتنى من غير وداع

وريتنى ويل لا يحتمل

وماقلتليش أية العمل

وانا اللى كان عندى أمل

وأنت اللى غدر قلبك وباع

لايق عليك توب البراءة

لايق غليك توب الخداع

مواطنين دولة هبلستان

http://www.alwakei.com//news/0/0/0/339/%D8%AD%D8%A8%D9%8A%D8%A8%D8%A9-%D8%AD%D9%84%D9%85%D9%89-%D8%AA%D9%83%D8%AA%D8%A8-:-%D9%85%D9%88%D8%A7%D8%B7%D9%86%D9%8A%D9%86-%D8%AF%D9%88%D9%84%D8%A9-%D9%87%D8%A8%D9%84%D8%B3%D8%AA%D8%A7%D9%86.html%22

جزء أول

بصفتهم مواطنين من  دوله هبلستان يرفضون الضوابط التي وجدت في كل مكان لذلك عشقوا الحياة الهبلستانيه التي لا يوجد بها فلتره كلاميه سنتعرف كيف يعيش هؤلاء المواطنين في دولتهم الهبلستانيه  وما هي سياستهم وطريقه حياتهم اليومية وكيف يتعاملون مع المواقف الحياتية رافعون شعار الحرية الهبلستانيه .

 أصبحت الشتيمة جزء من كلامهم العادي وقد نظن نحن المواطنين الطبيعيين أن الشتيمة تأتى في المقام الأول عند معظم العالم دلاله على هجوم أو اعتراض أو غضب أو عقاب عند الغلط

الشتيمة في هبلستان استعمالها  أصبح أكثر من كلمه صباح الخير وأصبحت الناس لا تغضب منها فيعتبرونها جزء من مفرداتهم وتعبير قوى عن ما يشعرون به فإذا لجئوا إلى قصقصه الكلام سيجدون أنفسهم يحتاجون أسلوب أخر لتوضيح التعبير الذي يشعرون به وهم لا يحبون تزيف مشاعرهم  لذلك فضلوا العيش في  دوله هبلستان .

لا حاجه لك أن تشترى قاموس الشتمجى لأنك تستطيع تدوين قاموس الشتمجى بمنتهى السهولة عند سيرك في شوارع دوله هبلستان وتتعلم كيف  تكون الشتيمة وأنواعها و أوقاتها  واحدث المفردات التي لا تجدها إلا في شوارع هبلستان فمثلا عند قياده السيارة تناسى تماما اى تهذيب أو تربيه مرت عليك في  حياتك حتى قائدي  توكتوك هبلستان لم يمر عليهم الأدب دقيقتين :

أحيانا نفاجئ بالشتيمة دون فعل اى جريمة  تستحق أن تشتم عليها و لكن أحيانا تكون الشتيمة ومفهومها مختلف يعني مش عشان عملت حاجة او آذيت حد ولكن ساعات الشتيمة بتدل علي قوة العلاقة اللي بين طرفين عجيب أمرك يا هبلستان

أمثله:

- الشتيمة عندهم بتدل علي مدى عمق الشوق الكبير بمعنى لو بقالك أسبوع ما شوفتش صاحبك تلاقى يقولك أول ما يكلمك "فينك يا حمار مشوفتكش من أسبوع و لو غياب شهرين " وحشتني يا ابن الكلب" لو راجع من المطار بقي بعد سنين يبقي في ألفاظ مش هينفع تتقال وعلى العموم ده عرف متعارف عليه في هبلستان.

- حتى الحبيبا في هبلستان لهم دلع تانى خالص بيستخدموا في أسماء الحيوانات الحبيب يقول لحبيبته يا قطتي يا وزتى يا بطتي .

ولو قالتله شئ مش منطقي بيرد عليها بحاجه من اثنين انتى هبله ولا عبيطة دلع حبيبا بقى

- أما في مدارس هبلستان دايما الشتيمة بتيجى فيك غلط لو واحد جنبك قاعد يتكلم تلاقى المدرس يبصلك بالصدفة لان الصوت صادر من ناحيتك فا مش عارف يحدد مين اللي بيتكلم فيقولك بالظلم "بره يا حيوان"

- في هبلستان لو واحد قال نكتة لواحد و عجبته قوي مع إنها بايخة يلاقى صاحبه كل خمس دقايق يفتكر النكتة ويقول "هههههههه جامدة يا ابن الكلب"

وبعديها بعشر دقايق "هههههههههه يا ابن ال...................."

وبعديها بربع ساعة "هههههههه نكتة بنت.......................... "

وتبقى مش عارف هو قال نكته ولا شتمه يمكن هو كده بيدلع اللي قال له النكتة وبيعبر عن مدى انبساطه ............مش هبلستان بقى

- شاب في هبلستان  كان  لسه بيشغل أغنية على الكمبيوتر بتاعه  سمع صوت عالي جدا في الشارع وكأن حد ظبطوا متلبس

 اقفل أم اللي أنت فاتحه يا حيوااااان-لدرجة انه اتخض وبص حواليه وشاف إن الشباك مفتوح  قال معقول صوت الاغنيه اللي على الكمبيوتر واصل للشارع بص من الشباك اتاري واحد بيكلم صاحبه تحت في العربية بصوت جهوري مبالغ فيه وافتكر إن الكلام عليه

يا عيني عليكى يا هبلستان

- ساعات بقي الشتيمة بتكون مجمعة ودي موجودة في الأماكن الزحمة  والمصالح الحكومية يعنى تكون واقف في طابور زحمه جدا يخرج واحد من نص الطابور وببصلك في وشك بالصدفة و يقول " ربنا ياخدكم يا أخي بقالي تلات  ساعات واقف لما اتهديت الله مش برصه أنا واقف زيك في الطابور يا عم  هبلستانى.

دوله هبلستان ماليانه كتير حاجات و أمور غريبة هناخد لفه كل مره ونتعرف على طباعهم عادتهم أسلوب حياتهم ثقافتهم إنتظرونا الأسبوع القادم وهنعرف كل مره حاجه من حاجات مواطنين دوله هبلستان 

                    

تعبت

تعبت منك وتعبت ليكى كل الحكايا بتبتدى بيكى

العيب فمين في الزمن ولا الناس ولا فيكى

دايما مأمنه ومطمنه هو انتى ضعيفة و لا مستسلمة

يمكن عشان جواكى لسه مكبرتش الطفلة الصغيرة

نفس الملامح هي هيا متغير تش من الابتدائية

بس العيون شايله حزن كبير ودموع مستخبيه

رسمتى القسوة براكى والطيبة لسه عايشاكى

لا عمرك ابتديت بجرح ولا بغدر ولا بالقسيه

شايله هم الناس ولا حد شايل همك

و أه من الليل و أوجاعه

قطه فــ قلب الليل تصرخ من العتمه  

لا ليها سكن تبات في  
وصرخها يزيد فــ كل لحظه  

صرخت أنا على صوتها إمشى بعيد 

الشارع ده مش حمل صراخ  جديد  

ردت بنظره مذعوره  

و كأنها عاشقه ومقتوله  

ومهجوره  
ومسلوبه من النظره  

بَصرخ على لقمه عيش  
و من برد بتترعش منه الجته

إحنا بقى بنصرخ على وطن 

تاهت المعانى فى و بقينا لعبه  

بيجدد أيامه

بيجدد أيامه 

بيموت أحزانه 

بيصحى أشواقه 

حب جديد على حب قديم 

على إتنين تلاته عشرة فــ حياته 

حاله غريب 

مفيش جديد 

نفس الحدوته وبتتعاد 

كل يومين تلاقيه بحالات 

مرة مخاصم 

مرة مفارق 

وليالى فـ الحب بيبات 

ظالم حاله 

وظالم الناس 

إبسط نفسك 

إبسط غيرك 

وإوعى تعيش اوى اوى فالدور 

إوعى تصدق انك عاشق 

إوعى تشوف حالك مغرور 

الحب حكايه حلوة 

إحكيها و عشها مره 

وبتطل تلعب نفس الدور

خدت قرارى

خلاص خدت قرارى

مش هأعلن إنكسارى

لو فاكر إنى فى بعدك

هأحس بإنهيارى 

أو إنى نفسى أبكى

وعلى دموعى بأدارى 

ولـ ده وده راح أشكى

من لوعتى ومرارى

لأ فوق م الل فى خيالك

واللى بوهمك رسمته 

كلمة واحدة هأقولهالك 

حبك خلاص فات وقته

و إنت اللى بعندك وغرورك 

من بين إيديك ضيعته 

دلوقتى هأبعد وأسيبك 

وهو ده إختيارى

همست للعشق

همست للعشق فـ جنته -

تعبت من شوفك بيوت على رمل البحور  

بنحلم نرقص على همس الكمان 

أنا قصه عذبه فأرض بور  

إبدر الحب فــ السكك  

يجرى الجميع على جنتك  

لا تكون حلم طيف ولا عود بخور