ناس كتير محتارة بين الرفض و التأييد لتعديلات الدستور و علشان الوقت قرب على الإستفتاء كان لازم نقرا الكلام دا لو مقتنع بي و حاسس بالمسؤولية
شير لو مش مقتنع يبقى عمر ما حد هيجيب لك حقك لإنك انت اللي بتضيع حقك منك
من بديهيات أى ثورة إنها تسقط النظام الحاكم و تسقط معه الدستور القائم و يجب مع أى ثورة صياغة دستور جديد يعبر عن تطلعات و مطالب الشعب التى قامت الثورة من اجلها .. وطالما المجلس الأعلى إعترف بشرعية الثورة و مطالبها .. يبقى الأصح إنه بدل ما يعطل العمل بالدستور القديم و يكتفى ببعض التعديلات فقط .. الصح إنه يقوم بتشكيل لجنة لصياغة دستور جديد .. وإلا يبقى في تناقض فى موقف المجلس الاعلى لإنه بكدا يبقى بيعترف بشرعية الدستور القديم و كمان موافق إنه تتم الإنتخابات الرئاسية و البرلمانية على أساس هذا الدستور المليء بالعيوب و الثغرات
( حتى بعد التعديلات) .
الإبقاء على الدستور القديم مع تعديل أجزاء منه والإنطلاق منه لإنتخابات رئاسية معناه إننا هنعاني من نفس الصلاحيات المطلقة اللي من حق رئيس الجمهورية في كثير من الأمور و التى لم تشملها التعديلات الدستورية .. لان التعديلات الدستورية ركزت فقط على تعديل المواد الخاصة بمن يحق له الترشح للرئاسة / مدة الرئاسة/ الطعن على عضويات مجلس الشعب/ طريقة انتخاب الرئيس/ وهكذا ..
لكن التعديلات تجاهلت تمااااااااما باقى الدستور الذى يمنح الرئيس صلاحيات قد يسيىء إستخدامها.
الموافقة على التعديلات بحجة إنها مرحلة إنتقالية سيتم بعدها تغيير الدستور هو سبب مرفوض و غير منطقى ..
اولاً و كما سبق و ذكرت لإنه يعتبر إعتراف ضمني بالدستور القديم رغم عيوبه و أيضا السماح بالإعتماد عليه فى اجراء الإنتخابات وهو ما يتعارض تماما مع مطالب الثورة
وثانياً ان المادة التى تتناول طلب الرئيس ومجلس الشعب أن يتم تغيير الدستور هى مادة عليها خلاف كبير حتى الأن و يرى الكثير أن صيغتها غير واضحة و ألفاظها لا يوجد فيها إلزام لرئيس الجمهورية بطلب تغيير الدستور .. وبناء عليه اللى مستنيين إننا ننتخب رئيس و بعدين هو يبقى يغير الدستور .. ممكن يقعدوا يستنوا كده كتيرررررررررر لو الرئيس الجديد ماجاتلوش الرغبة إنه يغيره أو يأجل عملية التغيير دى لوقت غير معروف أو محدد لأى سبب من الاسباب اللى هيطرحها و ممكن مجلس الشعب يوافقه عليها ..
وعلشان تبقوا عارفين الدستور مفيهوش نص يعاقب الرئيس لو إنه ما إلتزمش بمواد الدستور .. يعنى الرئيس لو خالف مادة من مواد الدستور و ما إلتزمش بيها .. مفيش فى الدستور القديم ما ينص على معاقبة أو محاسبة الرئيس فى أي من أفعاله و تصرفاته
الموافقة على التعديلات الدستورية معناه إنه سيتم الدخول سريعاً فى عملية الانتخاب سواء الرئاسية أو البرلمانية .. و هو ما يقلق الكثيرين نظراً لأنه لا توجد قوى شعبية حقيقية تعبر عن الشعب الأن و يمكن الثقة فيها و الإختيار منها من يمثلنا في المجالس النيابية و غيرها ...
وفى النقطة دى أحب أوضح إنه زى ما كتير مننا سمع إن من أكتر الأطراف المرحبين بالتعديلات الدستورية و مستعجلين أوي إن الإنتخابات تتعمل دلوقتى هم .. الإخوان ... تفتكروا ليييييييييييه ؟؟؟؟ لأنهم عارفين إنهم حاليا هم الجهة الوحيدة تقريباً الظاهرة و لها قبول عند نسبة من الشعب و بالتالى اجراء الإنتخابات دلوقتي و بسرعة هيضمن شبه إحتكار للأخوان للمقاعد الإنتخابية ..
طيب .. الإخوان بس اللي هيقدروا يكسبوا كراسي كتير في المجلس ؟؟؟ لااااااااااااااااا .... ماتنسوش بواقى الحزب الوطنى اللي هيدخلوا الإنتخابات دي و بإستمااااااااااتة مع تغيير صفتهم الإنتخابية .. لإنهم عارفين إنهم لو إستنوا و مادخلوش الإنتخابات دي و كسبوها بأي شكل يبقى خلاص هم كدا إنتهوااااااااا ..
وماتنسوش يا جماعة إن الترشيح و الدعاية للإنتخابات محتاجة فلووووووووووس .. علشان المرشح يعمل دعاية لنفسه و اسمه ينتشر بين الناس .. طيب تفتكروا مين اللى معاه فلوس كتير و مستعد يصرف مئات الالاف علشان يدخل الإنتخابات دي و يتشعبط تااااااااانى فى المجلس ؟؟
طيب .. لو وافقنا على التعديلات و هوووووووووب لقينا تم الإعلان عن فتح باب الترشيح لانتخابات مجلس الشعب مثلاً ...
انت عارف هتختار مين ؟
تعرفى حد غير بتوع الإخوان اللى كانوا بينزلوا في الدواير بتاعتهم و بتوع الوطنى و الكام واحد بتوع الوفد ..؟
تعرف حد من شبابنا الجميل اللى ناوي يعمل أحزاب جديدة تعبر عننا و يبقوا ممثلين لنا جوه مجلس الشعب ؟
عارف دول محتاجين وقت أد أيه علشان بعد ما يعملوا حزب يقدروا ينتشروا بين الناس و الناس تعرفهم و تثق فيهم و تقرر انها تختارهم ..؟
ولا هم يعملوا الثورة و يتعبوا و يضحوا و فجأة يلاقوا نفسهم مالهمش مكان فى الانتخابات ؟
أولا علشان لو التعديلات إتوافق عليها مش هيبقى في وقت لأى حد جديد إنه يلحق ينزل بين الناس علشان يعرفوه
ثانياً لإن لو الإنتخابات بدأت .. اللي معاه فلوس بس هو اللي هيعرف يلعبها صح و يصرف على حملته و يكسب تأييد الناس أو حتى يشترىأ صواتهم زي ما كان بيحصل قبل كده و ممكن أوي يحصل برضه تاني لأن لسه فى ناس مستعدة تبيع صوتها بفلوس ..
يبقى احنا كدا إتسرعنا و إستعجالنا .. بنضيع نفسنا بنفسنا ...
أولاً لإننا بكدا نبقى موافقين إننا ننتخب رئيس و مجلس شعب على أساس الدستور القديم اللي ضيعنا و ضيع البلد و اللى لسه 90% من مواده السيئة لسه زي ما هى بدون أى تعديل .
ثانياً هنبقى كدا بنحكم بالإعدام على شباب وأ فراد جداد مش هيبقى عندهم لا الوقت و لا الفرصة و لا الإمكانية إنهم يخرجوا للساحة السياسية و يعرفوا نفسهم علشان يمثلونا بعد كدا فى مجلس الشعب ..
ويصبح مجلس الشعب .. تركة واتقسمت من تااانى بين الإخوان و بواقى الوطنى و بعض أفراد الأحزاب القديمة اللي منفعتش حد من الناس بشىء يذكر ...
يبقى بالله عليكم .. عملنا أيه بقى بعد كل دا .. لما فى الأخر يبقى هو دا منظر مجلس الشعب اللي إحنا عايزينه يبقى معبر عنا فعلا ومش زي قبل كدا ...
يبقى كل الأسباب دى و غيرها كمان علشان لو حد عنده إضافة غيرها كلها بتصب في إتجاه واحد .. و هو ...
إنه الأنسب و الأفضل نسارع من البداية بالإعلان عن صياغة دستور جديد يلغي تماما الدستور القديم اللي كان قائم على خدمة أشخاص مش خدمة بلد .. ونستغل الوقت اللي بنضيعه دا في تعديلات شكلية و ترقيع في إننا نعمل دستور يقيد سلطات الرئيس و صلاحياته دستور يكون فيه مواد صريحة و واضحة تنص على ضرورة محاسبة الرئيس أو أي من الوزراء في حال إرتكابهم أخطاء تضر بالوطن و مصالحه .
دستور يبقى هو الأساس اللي ننتخب عليه الرئيس الجديد ...
مش ننتخب رئيس ممكن يقعد يحكمنا 8 سنين ..
مستخدمين الدستور القديم و نقدم له على طبق من دهب ..
صلاحيات مطلقة و إعفاء من أى محاسبة و عدم إلزام بتنفيذ أى من مواد الدستور ...
كمان من الإفضل يتم وضع دستور جديد الأن فى غياب رئيس للبلد ..
لأن ده هيضمن إن اللجنة اللي هتقوم بكداهتقوم بوضع الدستور الجديد ابتغاءاً للمصلحة العامة للوطن و بعيداً عن أى حرج أو مجاملة أو انحياز أو التفاف أو ضغوط قد تحدث فى حالة لو إننا إستنينا لما الموضوع ده يتعمل بعد إنتخاب الرئيس و تقوم به لجنة يختارها هو برررررررضه ..!!!!!
أما نقط الخلاف اللى بيتم نشرها حاليا بين الناس علشان تبقى عوامل قلق للناس و تخليهم يوافقوا على التعديلات من غير مايستوضحوا الأمور فعلا و يعرفوا تأثير داأيه ...
أولا إن الناس بتقول لنا لو إنتظرنا الدستور الجديد يبقى المرحلة الإنتقالية هتطول و هيستمر المجلس العسكرى فى الحكم ...
و دى ردها إن كل القوى الشعبية بتطالب و من بداية الثورة بمجلس رئاسى من قائد عسكرى و 2 مدنيين ثقة
و يبقى الحكم بينهم هم التلاتة و الأمر شورى بينهم فيما يخص شئون البلد لحين الإنتهاء من تجديد الدستور و بدأ الإنتخابات ..
و ثانياً .. إن الناس قلقانة الدستور الجديد يحتاج وقت طويل قد يصل لسنتين أو حتى سنة لحين الإنتهاء من صياغته ..
و دى كمان إترد عليها من فقهاء القانون و الدستور و قالوا إنه لما تكون لجنة من 50 شخص من أهل الخبرة ..
يبقى مش هيحتاجوا أكتر من شهور تعد على اصابع اليد الواحدة حتى يخرجوا بدستور جديد يتناسب مع متطلبات العصر و يراعى كل طموحات الشعب و تطلعه لدولة مدنية و حياة ديمقراطية بمعنى الكلمة يكون للشعب فيها الدور الاكبر فى صنع القرار ...
دى يا جماعة تقريباً كل الافكار و الاراء اللى لو فكرنا فيها شوية هنلاقى إننا فعلا هنبقى كسبانين لو صبرنا كمان شهر و لا اتنين فى سبيل إنه يبقى عندنا دستور جديد ..
دستور صالح لإدارة شئون بلد تسعى للتقدم و التحضر ..
مش دستور بيركز على إرادة و رغبات فرد واحد على حساب إرادة و رغبات شعب بأكمله ..
أتمنى اللي يقرأ الكلام دا و يفهمه و يقتنع بي أو حتى بأجزاء منه ...
إنه يفهم غيره ونشارك يوم السبت 19 مارس و نرفض التعديلات المحدودة للدستور المعيب الموجود دا ..
و يبقى ساعد بصوته فى التأكيد على رغبة الكثيرين مننا إننا عايزين نبدأها صح ..
يعنى طالما عايزين ننتخب صح و نختار رئيس جمهورية صح ..
يبقى من الاولى إن الدستور اللى هننتخبه على أساسه يكون الأول صح ..
ماينفعش نحط العربية قدام الحصان و نقوله إمشى ...
لااااااااازم الأول تبقى الأرضية سليمة و مبنية على نضافة علشان نضمن حقنا فى اللي جاى ...
و نختار اللي يحكمنا صح ...
و نختار اللي هيتكلموا بصوتنا في المجلس صح ..
بلاش نعمل خلاف العرف و السائد و نمشى بضهرنا ..
لازم نبقى محددين أهدافنا و مطالبنا و مانتنازلش عنها دلوقتى و لا نأجلها ...
لأن المفروض الإنسان الواعي مايسيبش حقه طالما مش غلط و ما يأجلش حقه اللي ممكن ياخده دلوقتي ... مانضمنش هيحصل أيه بعدين و هناخد حقنا ساعتها بنفس الشكل اللي ممكن ناخده دلوقتي و لا لأ
شير لو مش مقتنع يبقى عمر ما حد هيجيب لك حقك لإنك انت اللي بتضيع حقك منك
من بديهيات أى ثورة إنها تسقط النظام الحاكم و تسقط معه الدستور القائم و يجب مع أى ثورة صياغة دستور جديد يعبر عن تطلعات و مطالب الشعب التى قامت الثورة من اجلها .. وطالما المجلس الأعلى إعترف بشرعية الثورة و مطالبها .. يبقى الأصح إنه بدل ما يعطل العمل بالدستور القديم و يكتفى ببعض التعديلات فقط .. الصح إنه يقوم بتشكيل لجنة لصياغة دستور جديد .. وإلا يبقى في تناقض فى موقف المجلس الاعلى لإنه بكدا يبقى بيعترف بشرعية الدستور القديم و كمان موافق إنه تتم الإنتخابات الرئاسية و البرلمانية على أساس هذا الدستور المليء بالعيوب و الثغرات
( حتى بعد التعديلات) .
الإبقاء على الدستور القديم مع تعديل أجزاء منه والإنطلاق منه لإنتخابات رئاسية معناه إننا هنعاني من نفس الصلاحيات المطلقة اللي من حق رئيس الجمهورية في كثير من الأمور و التى لم تشملها التعديلات الدستورية .. لان التعديلات الدستورية ركزت فقط على تعديل المواد الخاصة بمن يحق له الترشح للرئاسة / مدة الرئاسة/ الطعن على عضويات مجلس الشعب/ طريقة انتخاب الرئيس/ وهكذا ..
لكن التعديلات تجاهلت تمااااااااما باقى الدستور الذى يمنح الرئيس صلاحيات قد يسيىء إستخدامها.
الموافقة على التعديلات بحجة إنها مرحلة إنتقالية سيتم بعدها تغيير الدستور هو سبب مرفوض و غير منطقى ..
اولاً و كما سبق و ذكرت لإنه يعتبر إعتراف ضمني بالدستور القديم رغم عيوبه و أيضا السماح بالإعتماد عليه فى اجراء الإنتخابات وهو ما يتعارض تماما مع مطالب الثورة
وثانياً ان المادة التى تتناول طلب الرئيس ومجلس الشعب أن يتم تغيير الدستور هى مادة عليها خلاف كبير حتى الأن و يرى الكثير أن صيغتها غير واضحة و ألفاظها لا يوجد فيها إلزام لرئيس الجمهورية بطلب تغيير الدستور .. وبناء عليه اللى مستنيين إننا ننتخب رئيس و بعدين هو يبقى يغير الدستور .. ممكن يقعدوا يستنوا كده كتيرررررررررر لو الرئيس الجديد ماجاتلوش الرغبة إنه يغيره أو يأجل عملية التغيير دى لوقت غير معروف أو محدد لأى سبب من الاسباب اللى هيطرحها و ممكن مجلس الشعب يوافقه عليها ..
وعلشان تبقوا عارفين الدستور مفيهوش نص يعاقب الرئيس لو إنه ما إلتزمش بمواد الدستور .. يعنى الرئيس لو خالف مادة من مواد الدستور و ما إلتزمش بيها .. مفيش فى الدستور القديم ما ينص على معاقبة أو محاسبة الرئيس فى أي من أفعاله و تصرفاته
الموافقة على التعديلات الدستورية معناه إنه سيتم الدخول سريعاً فى عملية الانتخاب سواء الرئاسية أو البرلمانية .. و هو ما يقلق الكثيرين نظراً لأنه لا توجد قوى شعبية حقيقية تعبر عن الشعب الأن و يمكن الثقة فيها و الإختيار منها من يمثلنا في المجالس النيابية و غيرها ...
وفى النقطة دى أحب أوضح إنه زى ما كتير مننا سمع إن من أكتر الأطراف المرحبين بالتعديلات الدستورية و مستعجلين أوي إن الإنتخابات تتعمل دلوقتى هم .. الإخوان ... تفتكروا ليييييييييييه ؟؟؟؟ لأنهم عارفين إنهم حاليا هم الجهة الوحيدة تقريباً الظاهرة و لها قبول عند نسبة من الشعب و بالتالى اجراء الإنتخابات دلوقتي و بسرعة هيضمن شبه إحتكار للأخوان للمقاعد الإنتخابية ..
طيب .. الإخوان بس اللي هيقدروا يكسبوا كراسي كتير في المجلس ؟؟؟ لااااااااااااااااا .... ماتنسوش بواقى الحزب الوطنى اللي هيدخلوا الإنتخابات دي و بإستمااااااااااتة مع تغيير صفتهم الإنتخابية .. لإنهم عارفين إنهم لو إستنوا و مادخلوش الإنتخابات دي و كسبوها بأي شكل يبقى خلاص هم كدا إنتهوااااااااا ..
وماتنسوش يا جماعة إن الترشيح و الدعاية للإنتخابات محتاجة فلووووووووووس .. علشان المرشح يعمل دعاية لنفسه و اسمه ينتشر بين الناس .. طيب تفتكروا مين اللى معاه فلوس كتير و مستعد يصرف مئات الالاف علشان يدخل الإنتخابات دي و يتشعبط تااااااااانى فى المجلس ؟؟
طيب .. لو وافقنا على التعديلات و هوووووووووب لقينا تم الإعلان عن فتح باب الترشيح لانتخابات مجلس الشعب مثلاً ...
انت عارف هتختار مين ؟
تعرفى حد غير بتوع الإخوان اللى كانوا بينزلوا في الدواير بتاعتهم و بتوع الوطنى و الكام واحد بتوع الوفد ..؟
تعرف حد من شبابنا الجميل اللى ناوي يعمل أحزاب جديدة تعبر عننا و يبقوا ممثلين لنا جوه مجلس الشعب ؟
عارف دول محتاجين وقت أد أيه علشان بعد ما يعملوا حزب يقدروا ينتشروا بين الناس و الناس تعرفهم و تثق فيهم و تقرر انها تختارهم ..؟
ولا هم يعملوا الثورة و يتعبوا و يضحوا و فجأة يلاقوا نفسهم مالهمش مكان فى الانتخابات ؟
أولا علشان لو التعديلات إتوافق عليها مش هيبقى في وقت لأى حد جديد إنه يلحق ينزل بين الناس علشان يعرفوه
ثانياً لإن لو الإنتخابات بدأت .. اللي معاه فلوس بس هو اللي هيعرف يلعبها صح و يصرف على حملته و يكسب تأييد الناس أو حتى يشترىأ صواتهم زي ما كان بيحصل قبل كده و ممكن أوي يحصل برضه تاني لأن لسه فى ناس مستعدة تبيع صوتها بفلوس ..
يبقى احنا كدا إتسرعنا و إستعجالنا .. بنضيع نفسنا بنفسنا ...
أولاً لإننا بكدا نبقى موافقين إننا ننتخب رئيس و مجلس شعب على أساس الدستور القديم اللي ضيعنا و ضيع البلد و اللى لسه 90% من مواده السيئة لسه زي ما هى بدون أى تعديل .
ثانياً هنبقى كدا بنحكم بالإعدام على شباب وأ فراد جداد مش هيبقى عندهم لا الوقت و لا الفرصة و لا الإمكانية إنهم يخرجوا للساحة السياسية و يعرفوا نفسهم علشان يمثلونا بعد كدا فى مجلس الشعب ..
ويصبح مجلس الشعب .. تركة واتقسمت من تااانى بين الإخوان و بواقى الوطنى و بعض أفراد الأحزاب القديمة اللي منفعتش حد من الناس بشىء يذكر ...
يبقى بالله عليكم .. عملنا أيه بقى بعد كل دا .. لما فى الأخر يبقى هو دا منظر مجلس الشعب اللي إحنا عايزينه يبقى معبر عنا فعلا ومش زي قبل كدا ...
يبقى كل الأسباب دى و غيرها كمان علشان لو حد عنده إضافة غيرها كلها بتصب في إتجاه واحد .. و هو ...
إنه الأنسب و الأفضل نسارع من البداية بالإعلان عن صياغة دستور جديد يلغي تماما الدستور القديم اللي كان قائم على خدمة أشخاص مش خدمة بلد .. ونستغل الوقت اللي بنضيعه دا في تعديلات شكلية و ترقيع في إننا نعمل دستور يقيد سلطات الرئيس و صلاحياته دستور يكون فيه مواد صريحة و واضحة تنص على ضرورة محاسبة الرئيس أو أي من الوزراء في حال إرتكابهم أخطاء تضر بالوطن و مصالحه .
دستور يبقى هو الأساس اللي ننتخب عليه الرئيس الجديد ...
مش ننتخب رئيس ممكن يقعد يحكمنا 8 سنين ..
مستخدمين الدستور القديم و نقدم له على طبق من دهب ..
صلاحيات مطلقة و إعفاء من أى محاسبة و عدم إلزام بتنفيذ أى من مواد الدستور ...
كمان من الإفضل يتم وضع دستور جديد الأن فى غياب رئيس للبلد ..
لأن ده هيضمن إن اللجنة اللي هتقوم بكداهتقوم بوضع الدستور الجديد ابتغاءاً للمصلحة العامة للوطن و بعيداً عن أى حرج أو مجاملة أو انحياز أو التفاف أو ضغوط قد تحدث فى حالة لو إننا إستنينا لما الموضوع ده يتعمل بعد إنتخاب الرئيس و تقوم به لجنة يختارها هو برررررررضه ..!!!!!
أما نقط الخلاف اللى بيتم نشرها حاليا بين الناس علشان تبقى عوامل قلق للناس و تخليهم يوافقوا على التعديلات من غير مايستوضحوا الأمور فعلا و يعرفوا تأثير داأيه ...
أولا إن الناس بتقول لنا لو إنتظرنا الدستور الجديد يبقى المرحلة الإنتقالية هتطول و هيستمر المجلس العسكرى فى الحكم ...
و دى ردها إن كل القوى الشعبية بتطالب و من بداية الثورة بمجلس رئاسى من قائد عسكرى و 2 مدنيين ثقة
و يبقى الحكم بينهم هم التلاتة و الأمر شورى بينهم فيما يخص شئون البلد لحين الإنتهاء من تجديد الدستور و بدأ الإنتخابات ..
و ثانياً .. إن الناس قلقانة الدستور الجديد يحتاج وقت طويل قد يصل لسنتين أو حتى سنة لحين الإنتهاء من صياغته ..
و دى كمان إترد عليها من فقهاء القانون و الدستور و قالوا إنه لما تكون لجنة من 50 شخص من أهل الخبرة ..
يبقى مش هيحتاجوا أكتر من شهور تعد على اصابع اليد الواحدة حتى يخرجوا بدستور جديد يتناسب مع متطلبات العصر و يراعى كل طموحات الشعب و تطلعه لدولة مدنية و حياة ديمقراطية بمعنى الكلمة يكون للشعب فيها الدور الاكبر فى صنع القرار ...
دى يا جماعة تقريباً كل الافكار و الاراء اللى لو فكرنا فيها شوية هنلاقى إننا فعلا هنبقى كسبانين لو صبرنا كمان شهر و لا اتنين فى سبيل إنه يبقى عندنا دستور جديد ..
دستور صالح لإدارة شئون بلد تسعى للتقدم و التحضر ..
مش دستور بيركز على إرادة و رغبات فرد واحد على حساب إرادة و رغبات شعب بأكمله ..
أتمنى اللي يقرأ الكلام دا و يفهمه و يقتنع بي أو حتى بأجزاء منه ...
إنه يفهم غيره ونشارك يوم السبت 19 مارس و نرفض التعديلات المحدودة للدستور المعيب الموجود دا ..
و يبقى ساعد بصوته فى التأكيد على رغبة الكثيرين مننا إننا عايزين نبدأها صح ..
يعنى طالما عايزين ننتخب صح و نختار رئيس جمهورية صح ..
يبقى من الاولى إن الدستور اللى هننتخبه على أساسه يكون الأول صح ..
ماينفعش نحط العربية قدام الحصان و نقوله إمشى ...
لااااااااازم الأول تبقى الأرضية سليمة و مبنية على نضافة علشان نضمن حقنا فى اللي جاى ...
و نختار اللي يحكمنا صح ...
و نختار اللي هيتكلموا بصوتنا في المجلس صح ..
بلاش نعمل خلاف العرف و السائد و نمشى بضهرنا ..
لازم نبقى محددين أهدافنا و مطالبنا و مانتنازلش عنها دلوقتى و لا نأجلها ...
لأن المفروض الإنسان الواعي مايسيبش حقه طالما مش غلط و ما يأجلش حقه اللي ممكن ياخده دلوقتي ... مانضمنش هيحصل أيه بعدين و هناخد حقنا ساعتها بنفس الشكل اللي ممكن ناخده دلوقتي و لا لأ
هناك تعليقان (2):
أختى الغالية
الثورة قامت ... والنفوس إتغيرت ... ومعدش فى سكوت.
أنا معاكى فى كل اللى بتقوليه ... وقلت من زمان إن الثورة معناها دستور جديد.
أصحاب النفوذ ومراكز القوى نفسهم30% ن الوضع البائد يكون موجود من تانى .
بيبعتوا بلطجية وبيدفعوا كتير عشان يزعزعوا أمن وإستقرار البلد .. وح يدفعوا كمان فى الإنتخابات الجايه عشان يكون ليهم أى مركز من تانى.
أهم حاجة عندى وعند الكل حاليا الإستقرار الأمنى والغذائى للبلد.
الشعب مش فاضى غير للكلام فى السياسة والإضرابات والأعتصامات والمطالب الفئوية اليومين دول ، وناسى ينتج ويشتغل ... شعب بتاع كلام ومبسوط من كده.
مش عاوزين الجيش يحكم أكثر من 6 شهور لأنك مش تعرفى حجم الضغوط عليه قد أيه فى الفتره الحاليه والأيام القادمة ... وفيه مثل بيقول "الزن ع الودان أمًر من السحر"
فى حالة عدم الموافقه على التعديلات الدستوريه حاليا ... معناها إن الدستور القديم سارى المفعول حتى تغييرة .. العقل بيقول كده .
فكرة الكام شهر دى وال 50 شخص اللى ح يغيروا الدستور مش مطمئن ليها لأن عامل الوقت يمكن يطول وأنا رافض ده.
الأخوان المسلمين ممكن يأخذوا ثلث المجلس ووزارتين ودا آخرهم بالنسبة للشعب لأنه فهم إنك صعب تضحك علينا بأسم الدين فى بلدنا والأخوان نفسهم مقتنعين وراضيين بكده.
لازم إئتلاف شباب الثورة والإئتلافات الأخرى القائمة بأسم الثورة هى اللى تسرع وتعمل على قدم وساق وننظم نفسنا عشان يبقى لينا صوت احد وهو صوت الشعب إذا كنا فعلا عاوزين مناصب تعبر عن صوت الشعب فى المرحلة القادمة.
أخيرا أنا مش خايف من ناحية موضوع الإرادة دى ... لأن الشعب قدر إنه يكسر حاجز الخوف .. وزى ما طلع يوم 25 ح يطلع تانى لو مطالبه مش أتحققت.
رئيس مصر إحنا اللى ح ننتخبه مش شعب تانى ... يعنى عارفين ح نثق فى مين ... وهو مش ح يكون رئيس بالمفهوم القديم لأنه عارف أنه أكيد ح يتحاسب لو غلط وإن الشعب رافض الصلاحيات كلها تبقى فى إيده.
نبتدى نجهز من دلوقتى لدستور جديد يطرح عليه إستفتاء شعبى تحت إشراف قضائى بعد الأنتهاء منه ويتم العمل به فورا فى حالة الموافقه عليه ... ويآخد بقى شهر أتنين زى ما يآخد المهم مش نعطل سير الدوله وعجلة الإنتاج والعمل عشان الدستور ... وطبعا كل ده فى ظل غياب أمنى وعدم وجود رئيس للبلد والبلطجيه فى تزايد ... وفتنه طائفية ... وهباب أرزق وإحنا اللى بنديهم فرصة لكده.
الثورة الجايه ح تبقى ثورة جياع مش ثورة كرامه ... ويارب تكون وجهة نظرى وصلت صح ... ودمتى بكل الود
أخوك / تامر
لما يبقى الشعب في كتير مش عارف الفرق بين نعم و لاء و متخوف من ثورة الجياع على اساس اننا دخلنا حرب يبقى مخطط امنا الغولة نجح مفيش حاجة تمنع اننا نشتغل وننتج إلا زي مكان مفيش حاجة تمنع الشرطة تنزل و بيصدرو لنا كلام غير منطقي عشان يجبرونا على شئ معين التعديل الجديد فى الدستور مفيهوش إلزام لرئيس الدولة بطلب تغيير الدستور لكن التعديل بيقول ( له أن يطلب تغيير الدستور ) بيقول ( له مش يجب أن )
يعنى ببساطة ممكن اوى ما يبقاش عنده رغبة فى تغ...يير الدستور اول ما يمسك .. و يأجله لوقت غير محدد و يحكمنا على اساس الدستور القديم بكل ما فيه من صلاحيات مطلقة
دى نقطة
النقطة التانية اننا ازاى نعمل ثورة نسقط فيها النظام لكن نبقى على الدستور القديم لأ و كمان عايزين ننتخب صح على اساس غلط
يعنى عايزين ننتخب رئيس يرعى مصالح الشعب و البلد لكننا هننتخبه على اساس مواد الدستور القديم المليئة بالعيوب بالله عليكم ده ينفع ؟
ولا لازم يبقى الاساس صح علشان اللى يترتب عليه بعد كده يبقى كمان صح
مع احترامى للجيش
بس انا لما احب افهم حاجة تتعلق بالقانون و الدستور يبقى المنطق يقول انى اسمع آراء القانونيين و خبراء الدستور مش ظابط فى الجيش
و شرحت النتائج الضارة على البلد و على كيفية اختيارنا لممثلينا فى مجلس الشعب لو احنا استعجلنا على اجراء الانتخابات البرلمانية دلوقتى
عايزاهم دلوقتى يشتغلوا فى دستور جديد لانه ده اضمن وقت انهم هيشتغلوا فيه لمصلحة البلد بدل ما يشتغلوا تحت رئاسة رئيس جمهورية و يبقى له تأثير عليهم او ضغوط من اى نوع
إرسال تعليق