الجمعة، سبتمبر 17، 2010

مزاد للبيع


جرب قر ب  
هنا واتفرج
هنا هتلاقى مزاد للبيع
كلة عن أصله اتغرب
حتى اللى ماضاعش بيضيع
هنا فى ضمير كان وإتباع
هنا فـ ناس ليها أتباع
قرب جرب
خش اتفرج
خد فـ رشاوي
كَنز هرب  
أموال سايبة
كوش وأهرب
كنز كبير مفتوح يابا
قبلك ياما سرقوا غلابة
وكلة بيهرب
مزاد عمره مابيتفض
جرب إلحق شوف العرض
 فقرة كمان هدية تعلب
أسد وبيصبح أرنب كله
بيتفرج على الحاوى 
قرب جرب شوف واتفرج 
كلة على بعض بيلعب 
حتى مشاعرنا نسيناها
كله على بعض بيتباها
كدب وسرقة وعيشة متاهة 
كله على بعض بيتفرج
جرب اقرب 
شوف و اتألم
بنجرح بعض وبنتكلم
ونقابل لسة وبنسلم
مولد يابا وسيرك غناوي
والغاوي ينقط للغاوي
ولا حد واخد حاجة
قرب قرب شوف واتفرج





هناك تعليق واحد:

Hamed Esmail يقول...

في غاية الروعة يا حبيبة
تقدمي تقدمي فأنتي لها