ضحكه جوه دمعه مضفره
عرفت تدارى ع البشر انها متكدره
كل ما يقابلها جرح
تضحك ويبان انه فرح
الناس تشوف ضحكتها يقولو
لسه ماشالت لدنيا هم
لساها شابه صغيره
وانا قلبى شاب
تعب وداب
شرب العذاب
والحزن كاسات مركزه-
الحب كتاب مهجور
عاش على رف مكسور
لاعمره شاف النور
من اهل ولا احباب
قال ايه شباب
يا الحلم المتحاصر
والقلب اللى كان جاسر .
. .دلوقتى مش قادر
يمشى ولا يغادر
يالفرحه لمطويه
ويا الضحكه المطفيه
خبى كل دا فيا وكملى المسرحيه
ليست هناك تعليقات:
إرسال تعليق