هى الدنيا تسوى حاجه
حد يقولى على فين واخدانا
كل ما نمشى خطوة جديدة
فى نص طريقنا نكون راجعين
بنـداوى جروحنا ونضحك على روحـنا
مش عارفــين رايحين على فين
مركب واحنا فيها راكبين
بتلعب بينا بترجعنا وبتودينا
تاهت روحنا فى بحر حزين
حتى الضحكه اللى بنرسمها
استكترتيها
وجيتى خدتيها فى غمضه
عين ماتقولى يا دنيا واخدانا لفين
عايشين مــن أول يوم
مرة نعــاتب ولا نلوم
وادينا بنطبطب على الصبر بكلمتين
كلة بقا فيكى غريب
القريب والصديق
حتى الى عامل فيها حبيب
امتى ترجع ناس زمان
امتى ترجع القلوب اللى مليانه حنان
فين القلوب الطهرة اللى كلها بركة
لا حد كان بيكدب على حد
لكلمة بحبك مابتتقالش لاى حد
كله باع كله خان كل يومين بيعيش جديد
ماتقولى يا دنيا واخدانا لفين
كل ما نمشى خطوة جديدة
فى نص طريقنا نكون راجعين
ليست هناك تعليقات:
إرسال تعليق